By Montreal – Quebec
Platforma EVA numëron rreth 4000 numërues automjetesh dhe mbi 85000 mijë përdorues e shfrytëzojnë shërbimet mbi lëvizjet e automjeteve dhe mbi 1500 biznese aplikantë të kësaj platforme për dërgim express të udhëtarëve. E gjithë aplikacioni është i ndërtuar nga teknologjia blockchain (Blockchain është një libër publik dixhital i transaksioneve që regjistron informacionin në një mënyrë që e bën të vështirë hakimin ose ndryshimin), e cila premton të zgjerojë hartën e saj edhe në provinca të tjera. Platforma dhe teknologjia e EVA jo vetëm që mund të ofrohet si një platformë dërgesash por edhe mund të integrohet nga bizneset me brendinë e tyre duke ruajtur lidhjen e drejtpërdrejtë me konsumatorin dhe aksesin 100% në të dhënat e tyre.
Më 21019, Dardan Isufi përfaqësuesi kryesor operativ i EVA-s, e ka prezantuar atë përballë Asamblesë Kombëtare të Kebekut, e cila shërbeu edhe si reflektim mbi të ardhmen e lëvizjes automobile në Quebec.
Eva, një platformë me bazë në Montreal, e cila e konsideron veten si një alternativë “shoqërore e pranueshme” ndaj gjigantit të SHBA-së për udhëtime lokale, UBER, filloi zyrtarisht të transportojë banorët vendas prej gushtit 2018 pas një periudhe prove trejavore. Logoja e saj e zezë dhe e artë, tani është pjesë e automjeteve nga më shumë se 500 shoferë – disa prej të cilëve punojnë edhe për Uber si kontraktorë të pavarur.
Ndërsa Eva është e përqendruar në marrjen e klientëve në qytetin e Montrealit, themeluesit e saj (Dardan Isufi dhe Raphael Gaudreault) tashmë janë promovuar në Montreal, Quebec, Saguenay dhe madje edhe Abidjan ne Bregun e Fildishte dhe se shpejti ne Kili.
UBER dhe EVA aktualisht lejohen të operojnë në Quebec si pjesë e një projekti pilot të autorizuar nga Qeveria.
Eva është ideja e dy të diplomuarve në universitet: Gaudreault, një inxhinier softuerësh 26-vjeçar me një diplomë nga Universiteti Laval dhe Dardan Isufi, një 25-vjeçar i diplomuar në shkencat politike nga McGill.
Deri më tani, më shumë se 10 000 njerëz kanë shkarkuar aplikacionin Eva dhe kanë krijuar një llogari aktive, shprehen krijuesit e rinj. Themeluesit e EVA-s ndihen mjaft optimistë, sipas tyre do të ketë një konkurrencë të shëndetshme për transportin e bazuar në aplikacione në Quebec.
Sot, EVA është zgjeruar me një ekip punonjësish me bazë në Kosovë të cilët janë në ndihmë te zhvillimin e softwerit.
Bisedoi: Blerina Ruka
Gazetën ??????? mund ta lexoni në mënyrë elektronike këtu: 
https://issuu.com/albanianmontrealpress/docs/ampress_newspaper_october_29_2022?fbclid=IwAR1CFbBgv_cemTZ6LZ0EL3N4jc6d7ER-Dam4KnJHXZckcG8Mu09vAr_AHX0
