By Për bashkatdhetarët në Kanada, Albanian-Canadian Association of Calgary në bashkëpunim me Calgary European Film Festival, sjellin premierën e filmit shqiptar me metrazh të gjatë i skenaristes dhe regjisores Blerta Basholli “Hive/Zgjoi”.
22 vite më parë në kapitullin e fundit të luftërave të Ballkanit mbas rënies së Jugosllavisë, konflikti mes Serbisë dhe Kosovës la 12.000 viktima dhe më shumë se 3.000 të humbur, kryesisht shqiptarë të Kosovës. 6 vjet pas luftës gjëndja e vendit ku jetonte protagonistja e historisë, Fahrije Hoti, ishte në Krusha e Madhe e cila është në kërkim të bashkëshortit të saj të zhdukur gjatë luftës së Kosovës . Yllka Gashi në rolin e Fahrije Hotit, një grua e pashkolluar, me një vendosmëri mahnitëse e tërheq gjithë filmin.
Filmi artistik nga Kosova i titulluar ‘Hive’, në shqip ‘Zgjoi’, me regji të Blerta Bashollit, u përzgjodh si një ndër filmat pretendent për fitimin e çmimit prestigjioz Oscar 2022.
Për shqiptarët në Calgary, filmi “HIVE”, do të shfaqet ditën e mërkurë, 9 nëntor në Globe Cinema në ora 6:00 pm.
Aktorë protagonistë në film janë: Çun Lajçi, Kumrije Hoxha, Aurita Agushi, Kaona Sylejmani, Mal Noah Safçiu, Adriana Matoshi, Astri Kabashi, Molikë Maxhuni, Blerta Ismaili, Valire Haxhijaj Zeneli, Armend Smajli, Ilir Prapashtica, Xhejlane Terbun, Shkëlqim Islami etj.
Biletat mund të blihen në linkun e mëposhtëm: https://calgaryeuropeanfilmfestival.ca/2022-films/hive/
Albanian-Canadian Association of Calgary ka organizuar një sesion të mbyllur me aktoren Yllka Gashi këtë të premte në ora 10:00am.
