By Varianti i sapo zbuluar Omicron, i cili u zbulua së fundmi në Afrikën Jugore, ka ngritur alarmin global pasi ka pësuar mutacion. Ndërsa është ende shumë herët për të nxjerrë ndonjë përfundim të caktuar në lidhje me potencialin e tij për të zëvendësuar variantin shumë ngjitës Delta dhe për të shmangur imunitetin e krijuar nga vaksinat ose infeksionet e mëparshme, rritja e mprehtë e infeksioneve të reja midis fëmijëve dhe të rinjve në Afrikën e Jugut ka dhënë alarmin për këtë lloj të koronavirus.
Varianti i ri i koronavirusit, i emëruar Omicron, po vazhdon të përhapet nëpër botë, teksa shumë shtete kanë vendosur masa kufizuese për udhëtimet nga Afrika, ku për herë të parë u identifikua ky variant. Omicron besohet se është më infektues se variantet paraprake, edhe pse ekspertët ende nuk e dinë nëse ky variant shkakton sëmundje më të rëndë. Më 26 nëntor, Organizata Botërore e Shëndetësisë tha se Omicron, që fillimisht u identifikua në Afrikën e Jugut, ishte “variant shqetësues”.
Zyrtarët në Afrikën e Jugut kanë thënë se 90 për qind e rasteve të reja janë me varaintin Omicron, që ka numër të madh të mutacioneve. Raste me Omicron kanë regjistruar edhe Mbretëria e Bashkuar, Gjermania, Italia, Belgjika, Danimarka, Botsvana, Izraeli, Australia, Hong Kongu dhe Çekia. Ndërkaq, Austria është duke hetuar raste të dyshuara me këtë variant. Pacientët kryesisht ankohen për dhimbje trupi dhe lodhje dhe këto simptoma ne i kemi hasur te pacientët e rinj, jo te personat më në moshë.
Ekspertët janë ende të paqartë për të vlerësuar variantin se sa vdekjeprurës është ai në të vërtetë.
