By Quebec-Kanada
Quebec po mbyll një sërë industrish, gjithashtu dhe shkolla, shtimi i rasteve në rritje të COVID-19 ka përshkallëzuar shtrimet në spital.
Ministri i Shëndetësisë Christian Dubé njoftoi se baret, kinematë, sallat e koncerteve, palestrat do të mbyllen prej ditës së hënë nga ora 17:00. Puna në distancë, e cila rekomandohej fuqimisht, tani po bëhet e detyrueshme.
Restorantet, të cilat filluan të funksionojnë me gjysmën e kapacitetit të hënën, mund të qëndrojnë të hapura midis orës 5 të mëngjesit dhe 22:00 të mbrëmjes.
Shfaqjet sportive, amatore apo profesionale, do të zhvillohen pa spektatorë.
Shkollat po mbyllen gjithashtu për një rikthim të planifikuar në datën 10 janar 2022. Çdo mësim në javën e parë të janarit do të mbahet online. Megjithatë, shkollat e ciklit të ulët mbeten të aksesueshme deri në festat e Krishtlindjeve pasi shpërndarja e testeve të shpejta dhe vaksinimi i fëmijëve nga mosha 5 deri në 11 vjeç vazhdon.
Quebec raportoi një rekord 4,571 raste të reja të COVID-19 të hënën dhe gjithsej 397 shtrime në spital të lidhura me pandeminë.
“Ne kemi arritur tashmë gjysmën e kapacitetit tonë për shtretërit tanë COVID,” tha Dubé, “dhe kjo pa llogaritur rritjen e rasteve nga 10 ditët e fundit.”
Ministri i Shëndetësisë shpjegoi se nuk kishte të bënte aq shumë me numrin e pacientëve me COVID-19, por me personelin që duhej t’i trajtonte ata. “Ajo që ne duam të shmangim është vonimi i kujdesit urgjent” tha ai.
Përveç masave të reja, Dubé tha se vaksinimi vazhdon të jetë vendimtar për nxjerrjen e provincës nga kjo situatë.
“Ne jemi me fat që kaq shumë kebekuazë kanë pranuar të marrin dy dozat e tyre, por aktualisht po përballemi me një variant të ri dhe kjo është arsyeja pse ne duhet të marrim një dozë mbrojtjeje,” shtoi ai. Dubé tha se dy doza të një vaksine COVID-19 ofrojnë rreth 30 për qind mbrojtje kundër virusit ndërsa një dozë e tretë rrit mbrojtjen deri në 75 për qind.
Provinca hapi mundësi përforcuese për njerëzit 65 vjeç e lart ditën e ë hënën, me 83,000 prenotime të regjistruara pas vetëm disa orësh.
Quebec shpreson të vërë në dispozicion pesë teste për çdo periudhë 30-ditore për çdo qytetar të moshës 14 vjeç e lart.
Shpërndarja e testeve të shpejta në farmaci filloi gjithashtu të hënën, me rradhë të gjata pritjeje e cila solli edhe mbarimin e furnizimeve.
Ndërsa kufiri prej 10 personash për festa private brenda shtëpive mbetet në fuqi,
Zyrtarët shëndetësorë do të shqyrtojnë parashikimet e reja të modelimit të hënën në mbrëmje, të cilat mund të çojnë në kufizime të mëtejshme nëse është e nevojshme.
“Ne do të kemi informacion shtesë por do të marrim përsëri vendime të vështira,” tha ai. “Nuk na pëlqen kjo, por mbetet mënyra e vetme për të menaxhuar këtë krizë dhe të reagojmë sa më shpejt me burimet që kemi.”
