By Toronto- Kanada
Lëkura është organi më i madh në trupin e njeriut, me një rëndësi shumë dimensionale shëndetësore dhe estetike, ndaj të cilës së fundmi kujdesin ia kemi besuar klinikave të bukurisë. Mesa duket vitet e fundit kjo tendencë ka filluar të krijohet si traditë e re në kujdesin ndaj saj.
Disa prej trajtimeve më të jashtëzakonshme të lëkurës, shumë të aplikuara, janë botox, fillers, PDO threads, PRP apo IV therapy. Për të gjithë ata që duan të ruajnë bukurinë dhe freskinë, këto janë emrat më të rinj e më të përfolur në fjalorin e sotëm të dermatologjisë estetike.
Stimulimi i prodhimit të kolagjenit, relaksimi apo zbutja e rrudhave, përdorimi i acidit hyaluronic për përmirësimin e linjave të fytyrës apo trajtimet e lëkurës me produkte biologjikë, janë shërbime kushtuar bukurisë që gjenden fare lehtë pranë klinikës Dea Beauty Clinic, me themeluesen shqiptare Irena Xhakolli.
E rritur në Kanada, e shkolluar për mjekësi, ajo tashmë është e çertifikuar prej disa vitesh për trajtime të kësaj natyre, të cilat realizohen pranë klinikës së saj, rezultatet e së cilës janë mahnitëse.
Terapitë IV administrohen nga profesionistë të kujdesit shëndetësor, zakonisht infermiere, për një sërë arsyesh të ndryshme, nga dehidratimi deri tek urgjencat mjekësore, ndaj edhe ndjeshmëria e Irenës për profesionin nuk është e rastësishme.
Në një intervistë për Albanian Montreal Press, Irena do të na tregojë me tepër për shërbimet që ofron klinika e saj, grupmoshat e interesuar si dhe disa sekrete si e ruajnë bukurinë vajzat e djemtë e interesuar.
Cilat janë shërbimet estetikë më të kërkuara nga klientët tuaj?
Pranë Dea Beauty Clinic listohen një mori shërbimesh estetike për të cilat interesimi ndaj tyre është në propocion të njëjtë. Pothuaj të shërbimet janë aplikuar tek klientët tanë por ato më të kërkuarat janë trajtimi i rrudhave, fryrja e buzëve si dhe tendosja e lëkurës.
Sipas jush, kur fillon mosha mesatare për t‘u drejtuar pranë një qendre estetikë për trajtimin e lëkurës?
Në përgjithësi të interesuarit e estetikës janë të moshave të ndryshme, por konsultimet dhe trajtimet e para i marin rreth moshës 30 vjeç. Edhe pse duket një moshë relativisht e re, është një periudhë kur lëkura ka nevojë të ndihmohet për t’u rigjeneruar dhe për të ruajtur elasticitetin e saj.
30 vjeç është mosha mesatare kur fillojnë proceset e plakjes. Vizualisht lëkura fillon të humbasë hijen e saj rinore për arsye se rigjenerimi i lëkurës është më i ngadaltë. Rreth kësaj moshe sugjerohet të përdoret krem anti-moshë (ditë dhe nate). Për të zbehur shenjat e plakjes, nuk është e nevojshme t’i nënshtroheni botoxit por që këshillohet të shtohet kujdesi tek ushqimi i duhur, masazhi i fytyrës si dhe hidratimi. Kremrat dhe pastrimet e lëkurës në shkallën mjekësore do t’i sugjeroja shumë sidomos për gupin e njerëve që janë më tepër konservator në fillimin e rrugës për mirëmbajtjen e lëkurës së tyre.
Cilat janë kërkesat kryesore të pacientëve në klinikën tuaj?
Kërkesa kryesore është për rezultate që duken natyrale. Pacientët që kanë marrë trajtime nga klinika Dea Beauty Clinic e dinë mjaft mirë që puna gjithmonë ka patur rezultate tepër natyrale. Për këtë arsye biznesi im ka patur rritje pasi klientët janë ndarë të kënaqur për rezultatet e trajtimit. Falenderimi më i madh që mund ët marrësh nga një klient-pacient është referimi i tyre.
A frekuentohen qendrat e estetikës më shumë nga femrat? Po meshkujt, sa interes shprehin ata për t‘u kujdesur për veten?
Po, sigurisht që ndërhyrjet estetike janë më të kërkuara nga femrat por kohët e fundit më vjen mirë që shoh edhe meshkuj që kanë të njëjtin interesim, kujdesen për mirëmbajtjen e lëkurës së tyre dhe për ruajtjen e rinisë së tyre. Të dyja gjinitë meritojnë të ndihen sa më mirë me veten dhë bukurinë e tyre.
Në të vërtetë, a është kaq e rëndësishme të rifreskohet lëkura nëpërmjet këtyre ndërhyrjeve?
Të gjithë jemi në dijeni që ndryshimet fillojnë të ndihen në lëkurë sapo hyjmë në të 30-at. Arsyeja është se ripërtërimi i qelizave ngadalësohet, proteinat të rëndësishme si kolagjeni dhe elasticiteti thyhen në ritëm shumë të shpejtë sesa arrijnë të riprodhohen. Substancat si acidi hyaluronc e cila gjendet natyralisht në trupin tonë ka veti të mbushjes dhe shkëlqimit të fytyrës por ngadalësohet shumë. Ndryshimi i hormoneve gjithashtu kontribuon shumë në këto ndryshmime, sidomos humbja e estrogjenit, e cila shkakton humbje në volum dhe masë kockore të kafkës, të mollëzave dhe të nofullës. Sado i bekuar të jesh gjenetikisht, ky është një proces i paevitueshëm. Përveç nëse dikush mer ndihmë të përshtatshme estetike në ngadalësimin e këtyre humbjeve që vijnë më moshën, më e rëndësishmja është stimulimi i prodhimit të kolagjenit e cila është e pamundur që dikush t’i japë zgjidhje pa ndihmë mjekësore.
Konkluzioni është që rëndësia e këtyre trajtimeve varet nga individi sepse të gjithë kemi preferencat tona sesi duam të dukemi kur rritemi. Por për çfarë është e sigurtë, është që për atë grup që dëshiron të ruajë të dukurit gjatë sa më të rinj, është e vështirë apo e pamundur të realizohet pa ndihmën e këtyre trajtimeve.
Shohim pothuajse përditë njerëz që kanë bërë ndërhyrje të gabuara, madje edhe personazhe të televizionit, çfarë mund të bëni ju për to?
Është e vërtetë, për fat të keq disa jo vetëm nuk kanë mar rezultate të kënaqshme por kanë arritur deri në pikën ku kanë humbur bukurinë natyrale që kanë patur. Besoj se rezultate të mira realizohen jo vetëm më përdorimin e gjilpërës në fytyrë. Më e rëndësishmja është që injektori që zgjidhni duhet të vlerësojë dhe të mbrojë ccfarë është më e mira për klient-pacientët. Biznesi estetik duhet të drejtohet nga doktorë apo infermierë të cilët kanë për detyrë të mbrojnë pacientët dhe ne nuk mund të justifikojmë një trajtim jo të mirë në fytyrën e tyre edhe kur ato kërkohen prej tyre. Fuqia e të thënit JO nga injektori në rastet e duhura, është shumë e rëndësishme.
Cilat janë të rejat e fundit nga profesioni juaj, pra çfarë lajmesh do iu japim atyre që nuk e pranojnë plakjen?
Botox dhe hyaroronic nuk janë të vetmet trajtime që ndihmojnë në ruajtjen e freskisë suaj. Terapia e radio frequency përdor energji të ulët radiatimi në mënyrë që të nxehë pjesën e thellë të lëkurës që quhet dermis. Kjo nxehtësi e kontrolluar, stimulon prodhimin e kolagjenit i cili ndihmon në përmirësimin e rrudhave dhe lëkurës së varur. Platet-Rich Plasma PRP mund të përdoret gjithashtu për të ndihmuar rigjenerimin e lëkurës. PRP është trajtimi më organik në botën e estetikës sepse ky lloj bëhet me plazmën e gjakut tuaj dhe në këtë mënyrë eviton rrezikun e çdo lloj efekti anësor. Për më shumë informacione mund të vizitoni web : deabeautyclinic.com, na ndiqni në faqen e instagramit : deabeautyclinic ose mund të merni një takim me një mesazh deabeautyclinic@gmail.com.
Bisedoi: Blerina Ruka
