Diaspora për Shqipërinë e Lirë letër drejtuar Kryeministrit Rama: Transparencë rreth projektit të nisjes së 2 satelitëve në orbitë

Diaspora për Shqipërinë e Lirë i është drejtuar sot Kryeministrit shqiptar z. Edi Rama, duke i kërkuar transparencë rreth projektit të nisjes të 2 satelitëve në orbitë.
DPSHL mbështet zhvillimet teknologjike me efekt pozitiv për Shqipërinë dhe Shqiptarët por pas diskutimeve dhe analizave të brëndshme për situatën ekonomike në vend, si dhe në vigjilje te krizës energjitike që Kryeministri lajmeruoi përpara disa ditëve, efektet e të cilës kanë filluar të ndihen në rritjen e çmimeve të produkteve bazë të konsumit, kërkojmë transparencë për sa më poshtë:Në dt. 20.10.2021, Ju lajmëruat se në Mars 2022, Shqiperia do të lëshojë satelitin e parë në orbitë, të ndjekur nga një i dytë disa muaj më pas.
Në këtë kuadër, Lëvizja Ju drejtohet me pyetjet:
1 – Për çfarë do të shërbejnë satelitët Albania 1 dhe 2 në orbitë?
2 – Sa vite është menduar të zgjasë kjo nismë dhe sa do të jenë kostot e gjithë projektit deri në afatin përfundimtar, përfshirë kostot e lëshimit, atyre të mirëmbajtjes etj
.2 – Sa vite është menduar të zgjasë kjo nismë dhe sa do të jenë kostot e gjithë projektit deri në afatin përfundimtar, përfshirë kostot e lëshimit, atyre të mirëmbajtjes etj.
3 – Me cilin grup interesi, që përfaqëson qytetarët Shqiptarë është konsultuar publikisht ky projekt dhe kur?
Nëse ka një studim fizibiliteti nga qeveria Shqiptare, qe krijon transparencë e ku shpjegohen qartazi të mirat që do ti rikthehen shtetit dhe respektivisht taksapaguesve shqiptare nga ky investim (return on investement), jeni të lutur ta ndani me ne.Duke mirëpritur përgjigjen Tuaj, na lejoni t’ju rikujtojmë detyrimin ligjor për një përgjigje brenda një afati 10 ditor nga marrja e kësaj shkrese, sipas të drejtës së informimit të mbështetur në ligjin nr.119/2014 “Për të drejtën e informimit”.
Me respekt,
Kryesia e Diaspora Për Shqipërinë e Lirë
#diasporaleviz