By Nga Blerina Ruka
Toronto- Kanada
Për komunitetin në Kanada emri i koreografit të vetëm shqiptar, lidhet me kulturën, foklorin, kërcimin dhe sigurisht me suksesin. Me një karrierë të cilën kujdeset ende ta pasurojë, artisti shqiptar tërheq vëmendjen në çdo moshë dhe kudo. Si -ish kryetar i shoqatës shqiptaro-kanadeze, ai ka ditur ta mirëmbajë dhe zgjerojë standartin e aktiviteteve kulturore. Si ish-diplomat, Këllezi ende përflitet për meritat e tij, ndërkohë edhe koreograf i Ansamblit të valleve “Shqiponjat e Vogla” në Toronto, aktivitetet janë ende në progres.
Në saje të të gjithë zhvillimit artistik të tij, edhe çmimet apo titujt do të jenë derivat i suksesit. Gjithashtu ai njihet edhe për kontributin e tij jo vetëm vullnetar për projektin jo pak të zhurmshëm “Shtëpia e shqiptarit” të inaguruar dy vite më parë me një ceremoni klasike ndaj donatorëve dhe komunitetit.
Vetëm një ditë më parë, Presidenti i Republikës së Shqipërsisë z.Ilir Meta e ka nderuar artistin shqiptar me titullin për “Merita të veçanta civile” me motivacionin:
Për mirënjohje ndaj punës së palodhur, angazhimit të vazhdueshëm dhe veprimtarisë së dalluar atdhetare, për promovimin brenda dhe jashtë vendit të vlerave tona kombëtare dhe të gjuhës shqipe; për kontributin e çmuar ndaj komunitetit shqiptar në Kanada, si dhe përçimin e valles shqiptare dhe kërcimit tradicional shqiptar te brezat e rinj në Shqipëri e në Diasporë:
Dekreti nr :11943
Tiranë më 2021-01-29
Presidenti i Republikës së Shqipërisë
Ilir Meta
I diplomuar në Akademinë e Arteve të Bukura në Tiranë, Këllezi ka qenë drejtor i Shkollës së Baletit në Tiranë, Konsull i Shqipërisë në Romë. Prej vendosjes së tij në Toronto midis tjerash ka krijuar grupin e valleve “Shqiponjat e Vogla”, të cilat jo pak herë kanë prezantuar e transmetuar vlerat artistike dhe shpirtërore nga kultura shqiptare.
Nga takimi i dytë i Samitit të Diasporës, mes shqiptarëve të cilëve u akordua titulli “Ambasador Kombi”, ishte edhe Ramazan Këllezi. Stafi i Diplomatic Mission Peace and Prosperity (DMPP) e ka nderuar artistin shqiptar me titullin “Misionar Paqeje”, Ambasador Nderi i DMPP.
