By Në emër të Këshillit Organizativ të protestës “JO NË EMRIN TIM”, ju njoftojmë se të dielën, më 25 tetor 2026, do të mbahet një protestë paqësore në Toronto, Ontario.
Qëllimi i kësaj proteste është që shqiptarët në Ontario të kenë mundësinë ta shprehin zërin e tyre në mënyrë paqësore lidhur me procesin gjyqësor dhe vendimin ndaj ish-krerëve të Ushtrisë Çlirimtare të Kosovës (UÇK) në Hagë, si dhe të kërkojnë drejtësi dhe trajtim të drejtë, duke mos harruar historinë dhe sakrificën e popullit të Kosovës.
Mesazhi kryesor i kësaj proteste është “JO NË EMRIN TIM”. Kjo protestë synon t’i bashkojë bashkatdhetarët tanë që dëshirojnë ta shprehin qëndrimin e tyre në mënyrë të qetë, dinjitoze dhe pa përfshirje partiake.
Ju bëjmë thirrje mediave shqiptare në Ontario që ta përcjellin këtë njoftim te publiku dhe ta ndihmojnë shpërndarjen e tij përmes portaleve, rrjeteve sociale dhe kanaleve të tjera të informimit.
Gjithashtu, i ftojmë përfaqësuesit e mediave që të marrin pjesë në protestë dhe ta përcjellin nga afër këtë ngjarje, në mënyrë që zëri i komunitetit tonë të dëgjohet sa më gjerë.
Të dhënat e protestës:
– Ngjarja: Protestë paqësore “JO NË EMRIN TIM”
– Data: E diel, 25 tetor 2026
– Koha: 1:00 PM – 4:00 PM
– Vendi: Queen’s Park, 1 Queen’s Park, Toronto, ON
– Organizatori: Këshilli Organizativ i Protestës “Jo në Emrin Tim” – Ontario
Ju falënderojmë për bashkëpunimin dhe për kontributin tuaj në informimin dhe bashkimin e komunitetit shqiptar në Ontario.
Me respekt,
Këshilli Organizativ i Protestës“JO NË EMRIN TIM” – Ontario
