By Është hera e parë që komuniteti shqiptar në Kanada merr pjesë në zgjedhjet lokale të këshillave bashkiakë. Danjeza Danglli dhe Mendi Kabashi janë dy gra shqiptare që kanë hedhur kandidaturat e tyre. Vijnë nga dy zona të ndryshme të Shqipërisë, me formime të ndryshme profesionale, por që kanë shumë të përbashkëta në rrugën që kanë marrë përsipër.
Gocat kanë zë dhe dinë ta përdorin atë. Kanë integritet dhe duan ta vënë në shërbim të kauzës për të cilën kanë hyrë në garë. Kanë vlera nga familjet nga vijnë, vlera që i kanë kultivuar me kalimin e kohës. Kanë ide që duan t’i ndajnë me komunitetin. Kanë kohën që e ndajnë mes familjes dhe punës, për të mirën e përbashkët.
Janë të parat që po çajnë koracën e asaj që deri dje dukej e paarritshme për një komunitet të brishtë shqiptarësh, të cilët u shpërngulën në një kontinent të panjohur, duke sjellë me vete kulturën, gjuhën, mentalitetin dhe zakonet e një vendi që na bën krenarë, por që njëkohësisht ditën t’ia përshtatin një toke të re.
Në bindjen time, Mendi dhe Danjeza e kanë fituar tashmë besimin e shqiptarëve të Kanadasë.
Mendi dhe Danjeza, you make us all proud!
