By 
Shqiptarët në Vancouver shprehin mbështetje për protestën në Tiranë
Komuniteti shqiptar në Vancouver të Kanadasë ka shprehur mbështetjen e tij për protestuesit në Sheshin Skënderbej në Tiranë.
Përmes një mesazhi të publikuar në rrjetet sociale, ata theksojnë se, pavarësisht mijëra kilometrave larg, lidhja me Shqipërinë mbetet e fortë dhe se brezat e rinj të lindur e të rritur në Kanada vazhdojnë të ndihen pranë vendit të origjinës.
“Të rinjtë tanë janë në solidaritet me rininë në Sheshin Skënderbej. Me ju deri në fund”, thuhet në mesazhin e tyre.
Reagimi vjen në kuadër të mbështetjes që komunitete shqiptare në vende të ndryshme të botës po i japin protestave që po zhvillohen në Shqipëri.
