By Siana Elezi, një mësuese e dalluar shqiptaro-kanadeze, ka marrë së fundmi Çmimin e Njohjes Komunitare për shërbimin e saj të jashtëzakonshëm ndaj komunitetit të Etobicoke Centre në Toronto.
Në rolin e saj si Udhëheqëse Ndihmëse e Kurrikulës për Letërsinë dhe ELL (English Language Learners) në Burnhamthorpe CI për 11 vitet e fundit, Siana ka ndihmuar në fuqizimin e nxënësve dhe kolegëve të saj, duke ndërtuar një mjedis të sigurt, të kujdesshëm dhe gjithëpërfshirës për të mësuar.
Përkushtimi dhe puna e saj janë evidentuar përmes disa arritjeve të spikatura:
- Organizimi dhe pritja e Konkursit TDSB ESL Speech West në Burnhamthorpe CI (2023)
- Krijimi dhe mentorimi i një ekipi poetësh që fituan vendin e tretë në konkursin Louder than a Bomb Toronto (2018)
- Marrja e çmimit prestigjioz Boss Teacher Award (2018)
- Anëtare e jurisë në Konkursin e Tregimeve të Shkurtra të Toronto Council of Teachers of English që prej vitit 2014
Siana, emigrante nga Shqipëria, është një shembull frymëzimi për nxënësit e saj dhe për të gjithë komunitetin shqiptaro-kanadez. Me karrierën e saj të suksesshme dhe kontributin e saj të palodhur, ajo përfaqëson me krenari vlerat dhe përkushtimin e komunitetit shqiptar në Kanada.
Urime Siana për këtë njohje të merituar dhe faleminderit që na përfaqësoni me kaq dinjitet!
