By Faik Konica ishte shkrimtar, publicist, përkthyes, studiues, dramaturg, adhurues i Wolfgang Amadeus Mozart, politikan dhe diplomat i shquar, i njohur me pseudonimet e ndryshme si Thrank Spirobeg apo Pyrrhus Bardyli, shtypi i shkruar frankofon, anglofon dhe italofon i kohës i ka kushtuar një vëmendje të veçantë veprimtarisë së tij ndër vite.
Njeri me “talent të jashtëzakonshëm” dhe “njohuri të larta” — sipas Il Popolo Romano (1920) apo njeri me “sens të mrekullueshëm humori” dhe “me aftësi të shkëlqyera të të shprehurit” — sipas revistës amerikane The Judge (1938), ai qe një avokat i denjë i mbrojtjes së çështjes kombëtare shqiptare në Perëndim.
Ky libër dokumenton dhjetëra shkrime të përmbledhura në shtypin e shkruar të kohës, ku secili mbart faqen, datën, ditën, vitin e botimit dhe emrin e gazetës apo revistës.
***
Rreth autorit:
Aurenc Bebja ka lindur më 1 qershor 1986 në Klos të Matit. Arsimin fillor e kreu në fshatin e tij të lindjes, Dars, dhe më pas vazhdoi shkollën e mesme të gjuhëve të huaja “Asim Vokshi”, në Tiranë. Studimet e larta i kreu në Francë, ku është diplomuar për Menaxhim dhe Mjedis në Universitetin e Bourgogne-s, Dijon. Ai ka mbajtur disa poste në administratën publike territoriale franceze, duke punuar për figura të njohura të politikës franceze, si Arnaud Montebourg, François Rebsamen apo François Baroin.
Autor i katër librave mbi 4 figura të shquara shqiptare si: Ismail Qemali, Aleksandër Moisiu, Ahmet Zogu dhe Mid’hat Frashëri, themelues dhe drejtues i blogut “Dars (Klos) Mat – Albania” që prej 2007-s, ai ka sjellë për lexuesin shqiptar, kryesisht nëpërmjet shtypit online, por edhe atij të shkruar, me qindra shkrime të botuara në shtypin francez të kohës për Shqipërinë dhe figura të spikatura shqiptare.
* * *
Për këtë libër dhe botimet tona na vizitoni në Panairin e Librit që do të mbahet në Tiranë nga datat 13-17 nëntor 2024 në ish-Pallatin e Kongreseve në Tiranë.
***
Librin mund ta gjeni në libraritë kryesore në vend ose mund ta porosisni në email: mbbotime@gmail.com, Tel/Whatsapp: 0035568 650 8441.
