By Numri i viktimave nga sulmi terrorist në Moskë ka shkuar në 133, ndërsa në mesin e të vdekurve raportohet se janë të paktën 3 fëmijë.
Shteti islamik mori përsipër sulmin në sallën e koncerteve në periferi të Moskës, ku deri tani kanë mbetur të vrarë 133 persona dhe 140 janë plagosur. Shërbimet e sigurisë ruse arrestuan 11 persona, mes tyre edhe 4 terroristët. Putin e quajti një sulm frikacakësh ndërsa tha se terroristët tentuan të largoheshin nga Ukraina. Në videot e publikuara një prej sulmuesve merret në pyetje nga autoritetet dhe thote se bëri për 5000 euro e u rekrutua në Instagram
Ministria ruse e Situatave Emergjente ka publikuar një listë të përditësuar me emrat e 29 personave të identifikuar në mesin e të vrarëve në masakrën e qytetit Crocus në Moskë. Lajmin e bën të ditur Ria Novosti. Sipas të dhënave të fundit nga Komiteti Hetues rus, në sulmin terrorist u vranë gjithsej 133 persona.
Mbi 130 persona u vranë, mes tyre 3 fëmijë, dhe mbi 140 të tjerë plagosur, 60 prej tyre në gjendje të rëndë, në sulmin terrorist të mbrëmshëm (22 mars) në një koncert afër Moskës. Kremlini bëri të ditur se 11 vetë janë vënë në pranga, përfshirë 4 agresorë të dyshuar, për masakrën me armë zjarri. Ndërkohë që Putin, në një dalje sot, ky ishte një sulm frikacakësh.
Putin shpalli 24 marsin një ditë zie kombëtare. Duke iu referuar autorëve, ai theksoi se ata “u nisën drejt Ukrainës, ku u ishte përgatitur një “dritare” pritjeje”, duke shtuar se “kriminelët dolën për të vrarë gjakftohtë, për të qëlluar rusët në kontakt, ashtu si ata. Të gjithë autorët, organizatorët dhe ekzekutuesit e sulmit terrorist do të ndëshkohen me drejtësi”.
Nga ana tjetër, Organizata xhihadiste Shteti Islamik mori përgjegjësinë, përmes një postimi në Telegram:” Militantët e Shtetit Islamik sulmuan një grumbullim të madh të krishterësh në qytetin Krasnogorsk në periferi të kryeqytetit rus, Moskë, duke vrarë dhe plagosur qindra dhe duke shkaktuar shkatërrim të gjerë në vend përpara se të tërhiqeshin në mënyrë të sigurte në bazat e tyre”.
Shteti Islamik ka nxjerrë një foto ku pretendohet se janë katër sulmuesit e djeshme në Moskë. Fotot e të katërve janë të mbuluar, teksa Shteti Islamik ka marrë përgjegjësinë për sulmet, duke thënë se kjo është pjesë e atyre vendeve që luftojnë Islamin.
Persona të armatosur me armë sulmi, dhe te veshur me uniforma ushtarake, qëlluan pa mëshirë ndaj spektatorëve ku duhej të performonte një grupi i muzikës rok i kohës sovjetike. Video tronditëse, tregojnë kur 6200 qytetarë duke u ulur nëpër vende, nisin të vrapojnë të tmerruar drejt daljeve, mes krismave të vazhdueshme dhe britmave. Imazhe të tjera shfaqin agresorët teksa qëllojnë ndaj një grupi njerëzish, dhe viktima të shtrirë në pellgje gjaku.
Para se të largoheshin me një automjet të tipit Renault, ata lëshuan pas granata dhe lëndë plasëse, duke shkaktuar zjarr në ndërtesë. 2 prej autorëve të dyshuar u arrestuan pas ndjekjes 340 km larg Moskës, ndërsa dy të tjerë u kapën më vonë, pasi u arratisën në një pyll. Një pistoletë, një karikator për armë sulmi dhe pasaporta nga Taxhikistani u gjetën në automjet. Shërbimet ruse të sigurisë pretendojnë se autorët ishin përpjekur të arratiseshin në Ukrainë ku sipas tyre kishin kontakte. Kievi mohoi menjëherë përfshirjen në sulm.
Për sulmin terrorist, pati reagime të menjëhershme nga ndërkombëtarët, me SHBA-të që sqaruan se nuk kishin të dhëna se pas kësaj mund të fshiheshin ukrainasit. Ndërsa BE tha se kjo është e tmerrshme. Nga ana tjetër ish-presidenti rus, Dmitry Medvedev paralajmëroi Ukrainën se nëse kishte gisht në sulm, do të merrte përgjigjie “shkatërrimtare”. Javë më parë, SHBA paralajmëroi Rusinë se mund të ishte shënjestër e sulmeve terroriste.
Agjencitë amerikane të inteligjencës kishin mbledhur informacion gjatë dy javëve të fundit se ISIS po planifikonte një sulm në Moskë dhe së fundi e kishin ndarë atë me palën ruse.
