Tirana Papers

Tirana Papers

Nga Artan Fuga 

Në historinë e gazetarisë ka raste të mëdha të nxjerrjes në shesh të informacioneve që kanë përbërë interes publik, që ose i kanë investiguar gazetarë heronj, ose ka pasur rjedhje informacioni nga establishmenti, ose ky informacion është botuar nga drejtues heronj mediash! 

Kjo është e vërteta që çdo student i vitit të dytë gazetari e di, ose duhet ta dijë, në mos nuk e di, duhet ta mësojë! Por vitin e tretë nuk mund ta kalojë nëse nuk e di!  

Ka Vietnam Papers, ka Watergate, ka Panama Papers, por ja paska edhe Tirana Papers, rasti më i turpshëm jo i rjedhjes të informacionit në media, se këtu nuk ka asgjë të keqe, por që uji i informacionit rrjedh si përrua, dhe media nuk e merr ta paraqesi për të qenë hidrocentral që të bëjë dritë, të ndriçojë.  

Sepse e kanë kapur për fyti! Nuk është rrezim i shtetit, jo, se ka pasur shtete më të mëdhenj, u ka rjedhur informacioni sekret, dhe kanë ekzistuar si më parë! 

Është dështimi përfundimtar i besimit në drejtësinë sociale, është konfirmimi i korrupsionit kapilar, është mbretërimi i së paligjshmes në institucionet publike që duhet të jenë shembulli i respektimit të ligjit, dhe pastaj më e trishtueshmja, është, oh!, vdekja e gazetarisë, tredhja e medias, jo e gazetarisë investigative sepse për atë as është bërë fjalë ndonjëherë, por për atë që quhet thjesht gazetari, raportim i thjeshtë i lajmit! 

Gjejeni tani kush vlen, media sociale që i boton, flet, i komenton, apo media profesionale që hesht? Ja nuk përgjigjem vetëm pyes!  

Këto vdiqën! Kishin vdekur, por kriza e Tirana Papers, por jo rrjedhja e informacionit sikundër e trajtojnë krejt keq, mbrapsht, gabim, disa drejtues gjoja opozitarë, por fakti se çfarë tregojnë këto të dhëna, dëshmon se vdiqën të gjitha këto më sipër.  

Nesër analizë këtu për një vështrim të parë global të TIRANA PAPERS!

administrator

Related Articles

Leave a Reply

Your email address will not be published. Required fields are marked *