Stuhitë e fuqishme godasin Kanadanë, të paktën 4 të vdekur, afro 1 milionë shtëpi mbesin pa energji elektrike

Stuhitë e fuqishme godasin Kanadanë, të paktën 4 të vdekur, afro 1 milionë shtëpi mbesin pa energji elektrike

Të paktën katër persona kanë vdekur dhe rreth 900 mijë shtëpi janë lënë pa energji elektrike pas stuhive të forta që kanë goditur provincat lindore Ontarios dhe Quebec në Kanada.

Policia e Ontarios tha se tre persona vdiqën dhe të tjerë u lënduan për shkak të stuhive.

Imazhet e postuara në mediat sociale nga e gjithë provinca treguan mbeturina të shpërndara dhe pemë të rrëzuara që dëmtuan shtëpitë dhe makinat.

Një burrë u vra kur një pemë ra në rimorkio ku po qëndronte të shtunën.

Ndërkohë, sipas Policisë Rajonale Peel, një grua rreth të 70-ave u vra pasi u godit nga një pemë në qytetin Brampton.

Stuhia ishte mjaft e fortë që Environment Canada të lëshonte sinjalizime urgjente ndërhyrëse të transmetimit që shkonin në stacione televizive dhe radio dhe telefona celularë.

Kryetari i bashkisë së Otavës Jim Ëatson tha se stafi ‘po vlerësonte dëmet dhe kërcënimet në terren’.

Sipas Environment Canada, në qytetin Kitchener, Ontario, u regjistruan erëra deri në 132 km/h, ndërsa në Toronto dhe Otava u vunë re shpërthime të erës deri në 120 km/h.

Autoritetet kanadeze kanë thënë se ndonëse erërat me shpejtësi të tilla nuk janë aq të rralla, stuhia ishte e pazakontë në atë që mbulonte një zonë kaq të madhe gjeografike.

editor

Related Articles

Leave a Reply

Your email address will not be published.