Stomatologia Entela Xhillari: Jeta mes familjes dhe profesionit

Stomatologia Entela Xhillari: Jeta mes familjes dhe profesionit

Toronto- Ontario

Entela, na prezanto pak me veten, integrimi në jetën në Kanada.

Im shoq dhe unë vijmë nga fusha e mjekësisë, ai është mjek i përgjithshëm ndërsa unë mjeke stomatologe. Jemi arsimuar në Shqipëri dhe punuar atje për 7 vjet deri në momentin kur im shoq kërkonte një specializim prej të cilit pësoi një zhgënjim dhe nuk mundi të merrte atë që meritonte. Në këto kushte, nuk pranuam të ishim pjesë e vazhdimësisë së një sistemi të padrejtë dhe vendosëm të emigronim në Kanada brenda 2 vjetëve. Padyshim që ka patur sfidat e veta ardhja këtu, sepse ishim familjar, por pa ikur ende nga Durrësi, isha në kërkim të ecurisë së licencës dentare që duhej të merja në Kanada. Në Durrës kisha klinikën time dhe kujtoj këtu që pacienti im i fundit atje ka qenë im shoq, dhe ne i premtuam njëri-tjetrit se do hapnim një klinikë edhe në Kanada duke i dhënë vetes kohë 5 vite. Ecejake mjaft serioze në të gjitha hapat e mia studimore, provime voluminoze nga njëra anë, gjuha teknike ishte një sfidë tjetër sepse në përgjithësi mjekësia e i ka latine termat, familja ime ishte në rritje e gjithçka ndodhte rreth e rrotull nuk kanë qenë fort të kollajta për t’u përblluar megjithatë jemi sot këtu. Në fillimet e mia në Toronto kam ndjekur një kurse pregatitore për provimet e ekuivalimit të diplomës. Kujtoj këtu që disa nga kurset që kam ndjekur ishin praktikë, si njohja e grafive apo praktike në dhëmbë dhe eksperienca ime në Durrës më ka ndihmuar dhe brenda 2 viteve ne Kanada u bë e mundur të jem një dentiste e licensuar në Kanada. Klinikën time të parë në Toronto e kam hapur në 2018, ishte pak a shumë përmbushja e premtimit që kishim vendosur me tim shoq. Ai kKa qenë dhe është një pjesë e pandarë e arritjeve të mia, të dy kemi sakrifikuar mjaft për të arritur deri këtu dhe i jam mjaft mirënjohëse. Jam tej mase e lidhur me të tre fëmijët e mi, dhe çdo ngjarje e rëndësishme në jetën time ka ardhur në ditët e tyre të lindjes, mendoj se jam me shumë fat por në të njëjtën kohë edhe kam punuar shumë.

Dy fjalë më shumë për klinikën “Aldentsmiledentistry”

Klinika ime e parë “Aldentsmiledentistry është hapur në vitin 2018. Mund të them se e kemi studiuar tregun përpara investimit i cili për ne ishte serioz por edhe profesional. Në klinikën e mëparshme ku isha e punësuar në Etobicoke, kisha mjaft pacientë shqiptarë të cilët frekuentonin klinikën vetëm për faktin se aty gjenin një shqiptare. Të gjithë ata janë pacientë të klinikës sime sot. Kam dashur gjithmonë të ofroj një shërbim jo vetëm të specializuar por edhe sipas mënyrë sime, edhe klinikën e doja po kështu, e doja ta

ndërtoja nga fillimi po vet. Duke qene se konkurenca ne Toronto është shumë e madhe, vendosa të mar aparatura të teknologjisë më të fundit, ofrova të gjitha llojet e grafisë, digital camera, 3D scan, karriget janë hi-tech, TV për të shpjeguar çdo detaj gjatë ndërhyrjes por dhe argëtuar pacientët gjatë vizitës. Edhe në formimin e stafit kam qenë mjaft e kujdesshme, të gjitha janë vajza dhe të gjitha duhej të plotësonin një standart profesional të kuruar.  “ Dua të shtoj këtu që marrëdhënia që kam me stafin është tepër e veçantë. Për mua ato janë një familje e dytë. Jemi me origjinë nga vende të ndryshme por punojmë të gjitha bashkë në harmoni me një qëllim dhe japim maksimumin për të bërë më të mirën për pacientin. “ Hyrje e re në klinikë ishtë 3D scan, pajisja e cila u tregon pacientëve si janë dhëmbët, kur drejtohen apo edhe zhvillime të tjera, dhe kjo i dha një rritje biznesit. Sot klinika “Aldentsmiledentistry” ka një staf prej 3 doktoreshësh, 2 higjeniste dentare (që kujdesen për pastrimet e dhëmbëve), 2 recepsioniste dhe 2 asistente dentare. Jam në pritje të hapjes së klinikës tjetër të cilën shpresoj t’i hap dyert në nëntor të këtij viti.

Për cilat arsye vijnë më shumë pacientët tuaj?

Unë mendoj që pacientët vijnë për shërbimin full package që ofron klinika. Puna e dentisitit është shumë e rëndësishme por dhe stafin që unë kam, mikpritja, mënyra sesi rezervohet një takim, mundësia për të pasur pothuajse çdo shërbim të mundur të dentistrisë së përgjtihshme duke filluar që nga pastrimi apo zbardhja e dhëmbëve, mbushja e tyre, kozmetika, implante, fasetat e porcelanit, këllëfet, urat, shërbimet ortodontike (telat apo drejtimi i dhëmbëve, invisalign) heqjen e dhëmbëve etj.  Te gjitha këto janë shërbimet që ofron stafi i Aldentsmiledentistry.  Pajisjet janë teknologjia e fundit, pastërtia, ambjenti është modern dhe tejet mikpritës. U jam mirënjohëse të gjithë pacientëve shqiptarë që kanë besuar tek shërbimi jonë. Sot klinika jonë numëron mbi 1700 pacientë aktivë gjatë vitit.


Kur jeni ndjerë e vlerësuar plotësisht nga profesioni që keni zgjedhur?

Hapja e klinikës dhe rritja e saj e shpejtë më ka bërë të ndihem tejet e vlerësuar profesionalisht.  Fakti që njerëzit vijnë aty për emrin tim ka një domethënie tepër të madhe për mua. Dua të theksoj që jam një njeri shumë i thjeshtë dhe më pëlqen edhe të dëgjoj, të sugjeroj apo edhe të rekomandoj duke pasur priorotet atë që është më e mirë për pacientët e mi. Më pëlqen që kam klientë të qëndrueshëm të të gjitha moshave. Jam e lumtur që klinika ime ka hapur vende pune dhe stafi im e konsideron punën aty si dhe fitojnë të ardhura për mirëmbajtjen e familjes se tyre. Padyshim që klientela shqiptare ka një domethënie të veçantë për mua pasi çdo gjë në lidhje me atdheun ma sjell më afër.

Bisedoi: Blerina Ruka

administrator

Related Articles

Leave a Reply

Your email address will not be published.