Shuhet Mbretëresha Elisabeth II

Shuhet Mbretëresha Elisabeth II

Brenda dhjetë minutash nga dhënia e lajmit të Mbretëreshës Elisabeth të gjitha mediat sociale të qeverisë, websajtet qeveritare do të bllokohen dhe të gjithë flamuj në Mbretërinë e Bashkuar do të ulen në gjysmë shtizë, janë këto detajet e bëra publike nga protokolli sekret për funeralin e Elisabeth II. Të njëjtën mbrëmje Charles do të mbajë fjalimin si mbret i vendit. Funerali do të bëhet dhjetë ditë pas vdekjes së saj.

Mbretëresha Elizabeth II, monarkja më jetëgjatë në Mbretërinë e Bashkuar, ka vdekur në Balmoral në moshën 96-vjeçare. Ajo mbretëroi për 70 vjet, që kur erdhi në fron në vitin 1952 dhe ndërmori ndryshime të mëdha shoqërore.
Transmetuesi britanik BBC ka ndërprerë transmetimin e rregullt dhe në mbrëmje ka dhënë lajmin se Mbretëresha kishte ndërruar jetë. Si një kod i vjetër për ngjarje të tilla, spikerët vishen me të zeza dhe të gjitha programet mbyllen, duke i lënë vendin ngjarjeve rreth vdekjes së Mbretëreshës.

Edhe kryeministri i Kanadasë Justin Trudeau ka dhënë deklaratën e tij të parë, duke thënë se Mbretëresha Elizabeth ll ishte një nga njerëzit e tij të preferuar në botë. Pas vdekjes së mbretëreshës 96 vjeçare të Mbretërisë së Bashkuar, Trudeau ka thënë se shërbimi i saj për kanadezët do të zë vend gjithmonë në historinë e vendit.

Mbretëresha është kryetarja e shtetit dhe është simboli personal i besnikërisë, unitetit dhe autoritetit për të gjithë kanadezët. Ligjvënësit, ministrat, shërbimet publike dhe anëtarët e ushtrisë dhe policisë të gjithë betohen për besnikëri ndaj Mbretëreshës. Është për këtë arsye që të gjithë qytetarët e rinj kanadezë betohen për besnikëri ndaj Mbretëreshës së Kanadasë. Ajo është mbretëresha e mbi mbi 100 mijë shqiptarëve që jetojnë në Angli, Kanada, Australi, New Zeland etj. Vetëm në Kanada, janë mbi 40 mijë shqiptarë të cilët, përmes natyralizimit, në marrjen e statusit juridik të shtetasit kanadez, janë betuar për mbretëreshën…

Kartëmonedha përkujtimore prej 20 dollarësh u lëshua më 9 shtator 2015, ditën në të cilën mbretërimi i Mbretëreshës Elizabeth II tejkaloi atë të stërgjyshes së saj, Mbretëreshës Victoria, duke e bërë atë sovranen më jetëgjatë në epokën moderne të Kanadasë.

Papa Françesku ka raguar për vdekjen e Mbretëreshës Elizabeth II. Ai thotë se është thellësisht i trishtuar dhe gjithashtu e nderoi për “shërbimin e saj të pakursyer për të mirën e Britanisë dhe Komonuelthit”.
Madhëria e saj u takua me Papa Françeskun në Vatikan në prill të vitit 2014. Mbretëresha takoi pesë papë gjatë mbretërimit të saj të gjatë.

Papa Françesku dhe Mbretëresha Elizabeth II

Me vdekjen e Mbretëreshës Elizabeth II, shumë mallra ikonike, simbole dhe tituj do të duhet të ndryshojnë.  Monedhat, pullat dhe medaljet nuk do të kenë më profilin e veçantë të Mbretëreshës, por atë të djalit të saj dhe trashëgimtarit të mbretit Charles III.

Një flamur dhe stemë e re do të dizejnohet për monarkun e ri dhe himni më i famshëm nga të gjithë do të duhet të ndryshohet.

administrator

Related Articles