By Një basketbolliste shqiptare pjesë e WNBA, kampionatit elitar të basketbollit për femra në botë. Shorti i mbrëmjes së djeshme e i siguroi Lorela Cubajt një vend në ekipin e New York Liberty.
Lorela Cubaj, me origjinë shqiptare e lindur më 1999 dhe e rritur në Terni, Itali vitin e ardhshëm do të luajë në New York.
Basketbollistja që prej vitit 2018 jeton në SHBA ku ka luajtur në kampionatet e kolegjeve për ekipet e Georgias ku dy herë u zgjodh “ACC Defensive Lojtare e vitit” (mbrojtëse e vitit në Konferencën e Bregut të Atlantikut, liga universitare).
Në një intervistë me The Atlanta Journal-Constitution të premten, Cubaj tha se ajo kishte në plan të ishte me familjen në Montreal ndërkohë që hidhej shorti.
Sinqerisht, nuk kam një vend specifik ku dua të jem”, tha Cubaj duke iu referuar një ekipi të mundshëm. “Unë jam thjesht mirënjohës për mundësinë dhe kudo që të zbres, e di vetëm se do të përpiqem të jem versioni më i mirë i vetes që mund të jem.”
Cubaj i bashkohet një skuadre që sezonin e kaluar përfundoi në vendin e tretë në Konferencën Lindore me rekordin 12-20. Sezoni fillon në maj.
