Regjisori Bujar Alimani sjell “Fluturat” në Toronto

Regjisori Bujar Alimani sjell “Fluturat” në Toronto

Do të shfaqet për herë të parë për komunitetin shqiptar në Toronto, filmi dokumentar “Fluturat”, ku rrëfehen historitë tronditëse të 21 vajzave që vuajtën internimin, pushkatimin e burgosjen e të afërmve në diktaturë. Në Gradishtë e Savër të Lushnjës, ku pati qindra familje të internuara pas fundviteve ’60, regjisori Bujar Alimani përzgjedh 21 histori vajzash duke tentuar të rindërtojë hartën e vuajtjeve të diktaturës, përmes rrëfimeve të tyre.

Fëmijëria mes përçmimesh, lindja e jetesa në barakë, shkollimi e shëndetësia e mohuar, shtypja e talenteve, punët më të rënda që u ngarkoheshin e tentativa për t’u kapur pas një ëndrre, pas shpresës së diktatura një ditë do të binte.

Historia e përjetuar e 21 vajzave dhe grave të lindura në periudhën e errët të regjimit komunist në Shqipëri, vjen të pasqyruara në dokumentarin e regjisorit Bujar Alimani.

Nga kampet e internimeve të Myzeqesë dhe sot të shpërndara në të gjithë botën ato rrëfejnë plot dinjitet të shkuarën, me sytë nga e ardhmja. Nën titullin “Fluturat” regjisori ka treguar se si arriti deri në finalizimin e këtij projekti.

Alimani ka rrëfyer se ideja lindi në Shtetet e Bashkuara të Amerikës, ku unë ai jeton prej disa vitesh, dhe rastësisht njihet me një nga producentët e filmit. Ai i lindur dhe i rritur në internimet komuniste, fëmija më i fundit i familjes Previzi, një nga familjet e njohura në Gradisht të Lushnjes, tregon sesi vajzat e dikurshme, motrat e tij një herë në kaq vjet mblidhen në shtëpi dhe bëjnë një takim,. Vijnë nga të gjitha anët e botës dhe tregojnë historitë e tyre. I impresionuar nga ky takim, Alimani zgjodhi ta regjistrojë.

Secila prej ngjarjeve të këtij dokumentari është unike, dhe ka si qëllim njohjen e këtij realiteti nga brezat e rinj. Por ndonëse në film paraqitet e shkuara historike në të ka dhe grimca aktualiteti. E organizuar nga RH Scholarship dhe Albanian Canadian Development Alternative (ACDA), filmi dokumentar “Fluturat” do të shfaqet në CINEPLEX CINEMAS QUEENSWAY (1025 The Queensway, Etobicoke ON M8Z 6C7), më 15 tetor, në orën 10.00 am dhe zgjat 85 minuta.

administrator

Related Articles