Projekt i vështirë por jo i pamundur!

Projekt i vështirë por jo i pamundur!

Nga Ermir Dardha

“Faza e parë e diturisë është heshtja, faza e dytë është dëgjimi, faza e tretë mësimi, ndërsa faza e katërt veprimi me të dhe faza e pestë dhe më e rëndësishme e saj është shpërndarja e saj” i kam lexuar diku këto fjalë qe kohë pas kohe ia kam kuptuar mesazhin e gjerë. Viti që lamë pas provoi njerëzimin në shumë fusha, disa i paralizoi, disa i gjeti të papërgatitur por nuk i trembi me sfidat dhe të tjerë i bëri të çalë.

Zejadin Dedinca

Në epokën moderne të pandemisë “heronjtë e heshtur” lidhën botën  që ra në kllapi dhe mundësuan punën dhe mësimin në distancë. Askush nuk ua di vlerën e madhe IT-ve ose Specialistëve të Teknologjisë deri në momentin që s’kanë internet në zyrë, shtëpi apo telefon. Kështu e nisi Zejadini një anëtar i komunitetit tonë në Montreal, si një  projekt të vogël individual, duke mos harruar sakrificat e veta për t’u arsimuar. Modestisht  jam ulur e po shkruaj keto rreshta. Do t’ia heq kapakun stilolapsit sepse ia vlen, sepse shpërndarja e dijes është ideali më i lartë që mund të ketë një njeri për Shqipërinë dhe Kosovën.
Rastësisht dëgjova për fazën e parë të Projektit: “Lehtëso proçesin mësimor Mësues -Nxënës në distancë, dhuro një kompjuter”, i cili konstaton në donacionin e dhjetëra kompjuterave te nxënës që s’kanë mundësi ekonomike për të patur një kompjuter ose një laptop. 
Tashmë disa fëmijë me pamundësinë për të pasur më parë një kompjuter për të ndjekur mësimin nëpërmjet internetit, falë këtij projekti ai laptop do tja u mundësojë lidhjen.
Faleminderit dhe mirënjohje për ju Zejadin Dedinca,  jo vetëm për ideimin e nje projekti të vçantë e të vështirë, grumbullimin, përgatitjen e kompjuterave, transportimin e tyre dërgimin e tyre nga Kanadaja drejt vendeve tona. Sot nxënës në Prizren, Fushë –Kosovë, Prishtinë dhe në Vlorë ku bëhet mësimi  i alternuar në distancë dhe në ambientet fizike kanë mundësi të marrin dijet mes mësimit online. Ky projekt ishte shtrirë në fazën e dytë me nxënësit dhe mësuesit e një shkolle në një nga qytetet e Shqipërisë, në Vlorë. Kontributi ndaj një misioni dhe ideali shumë të madh asaj të fazës pesë shpërndarjes së dijes në këtë periudhë të vështirë pandemie. Filantropët zakonisht qëndrojnë në heshtje dhe japin dorën pa shumë bujë, por një një kohë si kjo që po kalojmë cilët janë të tillë do e tregojnë veten.

editor

Related Articles

Leave a Reply

Your email address will not be published. Required fields are marked *