Naser Berisha: 8 vjet keqqeverisje, më 25 prill të fitojë sovrani!

Naser Berisha: 8 vjet keqqeverisje, më 25 prill të fitojë sovrani!

Diaspora, një zë i domosdoshëm për shqiptarinë, respektoni zgjedhjet, votoni!

Ontario- Kanada

Shqiptarët janë munduar ta gjejnë veten në fusha të ndryshme në emigrim, së pari si punëtorë të thjeshtë, e pastaj me kalimin e viteve edhe si sipërmarrës, madje shumë të suksesshëm. Njëri ndër ta është edhe shqiptari nga Prizreni, Naser Berisha.  Ai jeton dhe vepron në Kanada, është drejtues i një rrjeti biznesi që kanë të bëjnë me kompjuterë fiskal për pagesa me kartelë krediti, gjithashtu është pronar i një restorani mjaft të suksesshëm në Ontario. Sipërmarrësi Berisha, gjithashtu nuk ka hezituar asnjëherë të mbështesë shqiptarët edhe në kulturë, sport e mjaft veprimtari të tejra.

Në intervistën për Albanian Montreal Press, Naser Berisha na tregon të detajuar marrëdhëniet e tij me vendlindjen, biznesit dhe këmbëngul për forcën e diasporës në të gjitha rrethanat kur ka nevojë Shqipëria, domosdoshmërisht edhe në zgjedhje parlamentare.

Cilat janë lidhjet tuaja me vendlindjen?
Lidhjet me atdheun janë të karakterit familjar, turistik apo biznesi. Kosovën e vitizoj bashkë me familjen pothuaj çdo vit. Qëllimi i përvitshëm është njohja e fëmijëve tani më të afërmit e tyre në Kosovë, ruajtja e marrëdhënieve farefisnore, njohja me kulturën materiale apo historike. Turizimi shqiptar mbetet një atraksion i çdo vere kështuqë as ne nuk i shpëtojmë dot tundimit. Është pothuaj e pashmagnshme takimet e me Rrjetin e Bizneseve Shqiptare në Shqipëri, Kosovë dhe Maqedoni. Qëllimet e takimeve janë kryesisht të natyrës së rrjetëzimit dhe në funksion të mbrojtjes së interesave të anëtarëve para institucioneve tona në atdhe.

Po raportet tuaja më komunitetin shqiptar në Kanada, a i ndihmoni ju shqiptarët?
Personalisht gëzoj marrëdhënie të shkëlqyera me shoqatat shqiptare në Kanada. Mendoj se me ka ndihmuar ndihmuar koha kur kam qenë kryetar i shoqatës ILIRIA në London. Raportet më të theksuara i kemi me Shoqatën shqiptare të Torontos, të Hamiltonit, të Londonit, të Kitchinerit, të Montrealit, Calgarit, Edmontonit dhe Halifaksit. Prej vitit 2015, kur u themelua Rrjeti Biznesve Shqiptare për gjithë Kanadanë dhe unë si kryetar i këtij Rrjeti i kam forcuar këto marrëdhënie akoma. Duke bërë network social në shoqatat e ndihmojmë njëra-tjetrën duke këmbyer informata për antarët tonë dhe për plotësimin e nevojave të anëtarëve. Të gjitha aktivitetet e shoqatave apo të Rrjetit i bëjmë sëbashku, pra kemi një frymë bashkëpunimi të shkëlqyeshëm dhe besojmë se pasi të kalojë pandemia, do të kemi një riaktivizim të punëve tona.

A keni ju relata ose takime me drejtues institucionesh shqiptare apo kosovare?
Marrëdhëniet tona me institucionet e Republikës së Kosovës dhe asaj shqiptare janë disi normale. Me dy ambasadat tona kemi bashkëpunim korrekt. Rrjeti merr pjesë në aktivitetet e Ambasadave sidomos në fushën ekonomike. Kemi realizuar projekte në bashkëpunimin me amabsadat për promovimin e turizimit bregdetar shqiptar dhe turizmit malor të të Shqipërisë e Kososvës. Po ashtu në bashkëpunim me Ministrinë e Jashtme të Shqipërisë dhe të Diasporës së Kosovës, kemi pasur takime networku me antarët në Kanada dhe në vendlindje. Vërejtjet tona janë shumë të mëdha ndaj institucioneve të Kosovës dhe Shqipërisë në raporte me investimet e diasporës në vendlindje. Kërkesat tona për më shumë rend e ligje në dy vendet tona, janë permanente në çdo takim me ta. Mungesa e sundimit të rendit dhe ligjit në atdhe na e ka vëshirësuar mundësinë për të sjellë investimet e diasporës atje. Niveli i lartë i korrupsionit, nepotizmit dhe krimit ekonomike në dy vendet tona, është pranuar si normë shoqërore nga qeveritarët tanë. Një qasje e tillë ndaj diasporës është e papranueshme. Diaspora kërkon eleminim të korrupsionit në institucionet në dy vendet tona në mënyrë që të aktivizohet si investitore atje.

Cili është fokusi juaj, si mendoni ju të keni ndikimin në jetën publike kanadeze?
Rrjeti si organizat profesionale e bizneseve është e integruar shumë mirë në shoqërinë kanadeze. Po ashtu, edhe unë si kryetar i Rrjetit jam pranuar shumë mirë nga të gjitha nivelet e institucioneve në Kanada. Ne si rrjet, kemi bashkëpunuar me odat ekonomike të Kanadasë dhe provincave gjatë periudhës së pandemisë. Kemi nënshkruar edhe peticione për lehtësimin e procedurave për marrjen e ndihmave federale dhe të provincave për biznesin e vogël dhe të mesëm në Kanada. Kemi takuar kryetar komunash, ministra të provincës dhe federal, për interes të antarëve. Po ashtu kam qenë i ftuar edhe në një takim me bizneset e vogla, të mesme dhe organizatat që përfaqësojnë bizneset të organizuar nga kryeministri Justin Trudeau para 3 vite.

Shqipëria është në prag të zgjedhjeve parlametare, cilat janë pritshmëritë tuaja?
Zgjedhjet në Shqipëri janë të rëndësishme jo vetëm për shqiptarët brenda territorit por edhe ato në diasporë, Kosovë, Maqedoni dhe ata të Luginës së Preshevës deri në çamëri. Rilindasit socialist të Ramës vazhduan rritjen e korrupsionit, krimit të organizuar dhe nepotizmit e cila rezultoi me varfërimin e popullit në Shqipëri dhe nxitjen edhe më të madhe të ikjes së shqiptarëve nga Shqipëria. Një model i tillë i qeverisjes së Ramës dhe bandave të tij duhet ndëshkuar me 25 prill. Prandaj 25 prilli le të jetë nje ditë e gjykimit të popullit kundër keqqeverisjes 8- vjeçare të bandave të Rilindjes. Në të njëjtën kohë ftojmë votuësit shqiptarë të ndëshkojnë të korruptuarit në të dy kampet politike. Shqipëria duhet të çlirohet nga qeveritarët e korruptuar. Një keqqeverisje 30-vjeçare, i shkakton dëme të mëdha popullit në aspektin ekonomik, social, demografik dhe integrimit. Dita e 25 prillit të shërbejë si një ditë ndarje në mes të periudhës së korruptuar dhe asaj të prosperitetit duke i eleminuar të gjithë të korruptuarit në listat e dy kampeve dhe duke zgjedhur deputet të ndershëm.

Tentativa për  votën e Diasporës deshtoi, a keni ju një koment për këtë?
Dështimi që diaspora të mos marrë pjesë në këto zgjedhje i faturohet pushtetit të Ramës, i cili fatkeqësisht e instrumentalizoi diasporën për të keqe. Sipas meje diaspora shqiptare duhet të flasë me një gjuhë më të ashpër me klasën politike, dhe duhet që me çdo kusht të realizojë të drejtën e saj Kushtetuese për të votuar. Diaspora shqiptare duhet të kërkojë me ngulm në reformimin e ligjit të zgjedhjeve për diasporën sa më shpejtë të jetë e mundur. Unë uroj të fitojë sovrani, demokracia, të ndëshkohet keqqeverisja.

Bisedoi: Blerina Ruka

administrator

Related Articles