Manitoba\ Shqiptarët themelojnë zyrtarisht shoqatën dhe zgjedhin kryesinë e saj

Manitoba\ Shqiptarët themelojnë zyrtarisht shoqatën dhe zgjedhin kryesinë e saj

Manitoba-Kanada

Edhe shqiptarët në provincën e Manitobës më në fund do të kenë një pikë takimi. Ashtu edhe siç kishte premtuar, Kozeta Miliku e realizoi qëllimin e saj. I takon asaj merita e hapjes zyrtare në këtë provincë, një shoqatë shqiptarësh e cila premton jetë dhe aktivitete. Shoqata më e re shqiptaro-kanadeze, pas zgjedhjeve pikërisht ditën e djeshme (30 mars 2019), i besoi drejtimin Dr. Kozeta Miliku. Sipas përzgjedhjes emrat në bord janë këta: Kozeta Miliku -Kryetare, Albiana Bugujevci – Zv. Kryetare, Hajdin Teneqja – Zv. Kryetar Nderi, Astrit Troni – Financier, Albesa Aliu – Sekretare, Enri Islami – Arkëtar, Cyme Hoxhaj – Anëtare dhe ndihmës financiere, Denada Cerriku – Anëtare dhe ndihmës sekretare, Valon Kozmaqi – Anëtar dhe ndihmës arkëtar.

Për Albanian Montreal Press, Miliku shprehet kështu: -Komuniteti i shqiptarëve në Manitoba është i mrekullueshëm. Ndihem mjaft e vlerësuar dhe gjithashtu plot përgjegjësi përpara tyre. Falenderoj të gjithë anëtarët e komunitetit për besimin që më dhanë, për më tepër si vajzë e re, për të udhëhequr këtë nismë fisnike. Ndihem me fat që jam e rrethuar nga një bord drejtues fantastik, entuziaste dhe plot pasion të ruajnë gjuhën dhe identitetin shqiptar në Manitoba, i cili do të shërbejë si urë lidhjeje midis Shqipërisë dhe Kanadasë. Nuk mund të lë pa falenderuar edhe personat që më kanë shtyrë dhe kanë treguar mbështetjen e tyre të vazhdueshme si Ambasadori i Shqipërisë z. Ermal Muça, z. Ilir Kuqi dhe znj. Ruki Kondaj. Në emër të bordit drejtues, i falenderojmë të gjitha shoqatat shqiptare në Kanada dhe do të kemi shumë nevojë për mbështetjen e tyre duke qenë shoqata më e re.
Duke mos qenë vetëm në ketë sukses, nuk kanë munguar edhe urime nga të tjerë shqiptarë nëpër gjithë Kanadanë:

Nehat Kaloshi, kryetar i shoqatës shqiptare të Montrealit
Urimet më të mira për nismën e re. Është gjithmonë kënaqësi të marësh lajme të tilla të cilat kanë si qëllim përçimin dhe ruajtjen e vlerave shqiptare dhe për t’i trashëguar ato. Ky hap do të ndihmojë realisht për të qenë më afër komunitetin shqiptar të vendosur në Provincën e Manitobës dhe gjithkujt që ndihet shqiptar. Mbështes çdo iniciativë që i shërben shqiptarëve në Diasporë.

Lejdi Ago, kryetar i shoqatës “Iliria”, Regina, Saskatchewan,
Përshendetje të gjithë shqiptarëve në Manitoba! Urime për hapjen e shoqatës dhe suksese në punën tuaj! Në emër të të gjithë anëtarëve të Kryesisë së shoqatës “Iliria” në Regina, ju njoftoj se jeni të mirëpritur të na njoftoni për gjithëçka që mund t’ju nevojitet! Jemi të gatshëm për bashkëpunim ne çdo fushë apo ide që mund të kemi të dyja palet. Përzemersisht, Lejdi Ago!

Arnisa M. Morina ACE Society
The establishment of the Albanian-Canadian Community of Manitoba is an expression of the strong ëill of Albanians to strengthen and promote Albanian culture and values throughout Canada. Themelimi i Komunitetit Shqiptaro-Kanadez të Manitobës është një shprehje e vullnetit të shqiptarëve për të forcuar dhe promovuar kulturën dhe vlerat shqiptare në të gjithë Kanadanë. Ju uroj shumë suksese në të ardhmen! I extend my heartfelt congratulations!

Ajdin Kozmaqi, Regina,- ish kryetar i shoqatës shqiptare në Regina, “Iliria”
Së pari ju falënderoj për mundësinë që po ma jepni që t’i shprehi ca fjalë urimi nga thellësia e zemrës ,u gëzova shumë me këtë lajm të mrekullueshëm.Sot,me siguri është festë në Ëinnipeg,i bashkangjitem kësaj feste dhe i gëzohem tëjet mase këtijë suksesi të bashkëkombasëve tanë.Le të jetoj gjatë ky organizëm shqiptarë në Manitoba.Zëri dhe sukseset e badhkëkombasëve tanë le të dëgjohen gjithandej.Promovoni vlerat tona të cilat janë të shumta,përmes shoqatës tuaj.Nuk mund të nisë pranvera më bukur ,ta quajmë këtë pranverë, pranverë të shqiptarëve të Manitobës. Urime!

Remka Huruglica, kryetare e shoqatës së gruas, Toronto
Si gruaja gruas, sigurisht që jam krenare për arritjet dhe besimin që i jepet një të reje kryesimi i një shoqate shqiptarësh. Duke e ditur që sfidat janë jo fort të lehta dhe të kolljta, por këshilla ime është zemërgjerësia dhe dashamirësia, ashtu si edhe të ka shtyrë të drejtosh këtë projekt. Shumë urime shqiptarëve në Manitoba për këtë iniciativë, por më së shumti Kozetës.

Ilir Kuqi, kyetar i shoqatës shqiptare në Calgary
Urime Kozeta Miliku dhe i gjithë bordi i shoqatës. Suksese për iniciativën dhe dëshirën për të ruajtur kulturën shqiptare edhe në Manitoba! Ju përshëndesim nga Calgary.

Adriana Bejko, lektore pranë Universiteti të Calgary
Ju dërgojmë urimet tona më të përzemërta bashkëatdhetarëve tanë në Manitoba. Eshtë kënaqësi të mësojmë se shqipja jonë po “fluturon” në Manitoba. Në mënyrë të vecantë, i dërgojme urimet më të mira doktoreshë Kozeta Miliku. E dime që fillimi nuk është i lehtë dhe do të ishte kënaqësi t’ju ndihmonim në cfarëdo mënyre që të keni nevojë. Nëqoftëse doni të hapni shkollën shqipe, jemi të gatshëm t’ju ndihmojmë si me mendime ashtu edhe me tekste, kurrikula etj. Urime dhe lart e më lart, fama e Shqipërisë sonë.

editor

Related Articles

Leave a Reply

Your email address will not be published. Required fields are marked *