Kostoja e “Tiranës që S’DUAM”! Nga Oli Pero

Kostoja e “Tiranës që S’DUAM”! Nga Oli Pero

Shihni pamjet më poshtë me rradhë!
Para 4 vitesh, kryetari i Fresh-kët i Bashkisë së Tiranës, anoncoi se tashmë kishte blerë 1 spital veterinar (ish Petlife) ku do të sterilizoheshin, vaksinoheshin, matrikulloheshin dhe RILËSHOHESHIN në territor qentë endacakë të Tiranës.Një nismë për t’u përgëzuar, shoqëruar si zakonisht me fotografi duke puthur e përqafuar 1 qen rruge, mori brohoritjet e përgëzimet e rastit. Fondi fillestar qe 9.600.000 të reja. Për mua që punoj prej 7 vitesh në projekte sterilizimi me Bashkinë e Shkodrës, kjo shumë marramendëse më pat çuditur.

Zakonisht bashkitë akordojnë shuma të vogla që nuk kalojnë 700.000 lekë në vit për 220-240 qen. Kuptohet që kostoja për qen ulet nga pjesëmarrja jonë si grup vullnetar, pasi heqim një pjesë të logjistikës, ushqimit dhe trajtimit të qenve të sëmurë vetë, pa shpenzuar 1 qindarkë nga Bashkia.
Tani, superheroi kafshëdashës, mjeshtër i propagandës dhe i aferave okulte kishte pasë plane të tjera. Nëpërmjet “Agjensisë së mbrojtjes së Konsumatorit”, në objektin e së cilës, po citoj (fotot më poshtë):-Propozon programe dhe harton plane pune ne lidhje me trajtimin e kafsheve te qytetit te Tiranes; -evidenton dhe regjistron habitatet dhe vendqendrimet e kafsheve endacake; -realizon menyra efikase te trajtimit te kafsheve,ne bashkepunim edhe me struktura te tjera te qeverisjes qendrore apo vendore; – nderhyn dhe merr masa per mbrojtjen e kafsheve nga cdo menyre keqtrajtimi; – shqyrton cdo problematike te paraqitur te paraqitur nga qytetaret dhe organizon fushata sensibilizimi ne lidhje me mbajtjen,trajtimin dhe respektimin e mireqenies se kafsheve; – merr persiper trajtimin ne kushtet e mireqenies per periudha kohore te caktuara te kafsheve me pronar,kundrejt tarifave dhe kushteve te mirepercaktuara; – ofron trajtim profesional ne qender te specializuar per kafshet endacake e te braktisura; Veliaj ka zhdukur 14.000 qen endacakë.

Koston po jua llogaris me mik, se jam e bindur që në bilancet e AMK, (sterilizimi+vaksina+matrikulli+kamionçina+punëtorët e kapjes e rilëshimit+mjekët veterinarë) paraqiten me 1 kosto shumë më të lartë se 4000 lekë për qen. Kaq e llogarisim ne të varfrit në Shkodër.Pra në 4 vite, 14.000 qen × 4000 lekë= 56.000.000 lekë të reja, nga taksapaguesit në Tiranë, avulluar nga magjistari Erion Veliaj dhe Agjensia e tij fantazëm. Për të vrarë 1 qen me acid pllakash, llogariteni vetë sa kushton.Janë bërë protesta, janë bërë ballafaqime mediatike, janë bërë kallëzime, por kryebashkiaku e ka siguruar mirë pushtetin e tij, duke blerë policinë, gjykatat dhe duke gllabëruar, jo vetëm lekët e “mirëqenies së kafshëve” por çdo centimetër të Tiranës.
Kjo është 1 nga kostot e Tiranës që S’DUAM. Tani dy fjalë për ata mjekë veterinerë, që në vend që të kryenin detyrën e tyre, duke i shpëtuar, mjekuar e kujdesur për këta të shkretë, i ndotën duart me gjak të pafajshëm.Qofshi të mbuluar me turp gjithë jetën tuaj dhe sapo të jem në gjendje të siguroj emrat e secilit prej jush, do ju diskretitoj publikisht dhe do ju padis në gjykatë, krahas AMK. Turp për drejtuesit kriminalë të AMK, punëtorët e grabitjes së qenve të shëndetshëm e të hedhjes së tyre në thasë plehrash në landfillin e Sharrës. Jeni kategoria më e ulët e shoqërisë shqiptare përderisa abuzoni me disa qenie që nuk kanë gojë.
Do vijmë edhe për ju!

editor

Related Articles

Leave a Reply

Your email address will not be published. Required fields are marked *