Kosova dhe Izraeli zyrtarizojnë marrëdhëniet diplomatike

Kosova dhe Izraeli zyrtarizojnë marrëdhëniet diplomatike

Kosova ka njohur qytetin e Jeruzalemit si kryeqytet të Izraelit. Nga ana e tij, Izraeli njohu zyrtarisht vendin evropian.

Më 1 shkurt Kosova dhe Izraeli do të firmosin vendosjen e marrëdhënieve diplomatike, ka njoftuar Ministria e Jashtme dhe e Diasporës në Kosovë. Zyrtarisht, ditën e hënë Kosova normalizoi marrëdhëniet me Izraelin dhe vendos të hapë ambasadën e saj në qytetin e diskutueshëm të Jeruzalemit, thanë zyrtarë të lartë gjatë një ceremonie video konference.
Firmosja zyrtare e lidhjes së marrëdhënieve diplomatike do të bëhet nga ministrja në detyrë e Punëve të Jashtme dhe Diasporës e Kosovës, Meliza Haradinaj-Stublla, dhe ministri i Punëve të Jashtme të Izraelit, Gabriel Ashkenazi.
“Republika e Kosovës po hyn në një etapë të re historike me shtetin e Izraelit. Shtetësia dhe subjektiviteti ndërkombëtar i Kosovës po konsolidohet fuqishëm”, thuhet në njoftim.
Si pjesë e një shkëmbimi të njohjes reciproke, Izraeli njohu zyrtarisht Kosovëne cila  shpalli pavarësinë në 2008, si një shtet i pavarur, duke u bashkuar kështu në shumicën e vendeve perëndimore.

Gjatë firmosjes së aktit të njohjes midis dy shteteve

“Sot ne po bëjmë histori, po vendosim marrëdhënie diplomatike midis Izraelit dhe Kosovës. Kjo është hera e parë në histori që marrëdhëniet diplomatike janë vendosur nga Zoom, ”tha Ministri i Jashtëm izraelit Gabi Ashkenazi.

Kosova ka njohur si kryeqytetin e Izraelit qytetin e Jeruzalemit, ku një mision diplomatik do të hapet në muajt në vijim.
“Këtë mëngjes kam marrë kërkesën tuaj për të themeluar ambasadën tuaj në Jeruzalem të cilën natyrisht e pranova,” u shpreh ministri i Jashtëm.

“Sot Izraeli bëhet vendi i 117-të që njeh Republikën e Kosovës si një vend i pavarur dhe sovran,” tha Ministrja e Jashtme e Kosovës Meliza Haradinaj-Stublla.

Mbështetje nga Shtetet e Bashkuara
Kjo marrëveshje u bë e mundur nga mbështetja e Shteteve të Bashkuara, Uashingtoni kishte mbështetur luftën për pavarësi të Kosovës, e cila sot e përshkruan veten me gatishmëri si amerikanofile. Më 4 shtator 2020, ish-Presidenti Donald Trump njoftoi një marrëveshje për të njohur shtetin hebre nga Kosova dhe për të hapur një ambasadë në Jeruzalem. Po atë ditë, Kosova dhe Serbia kanë nënshkruar në Shtëpinë e Bardhë në Uashington, dy dokumente për normalizimin e raporteve ekonomike, në prezencë të ish-presidentit amerikan, Donald Trump. Ato u ndërmjetësuan nga i dërguari i atëhershëm i Trumpit për dialogun, Richard Grenell. Me marrëveshjen e nënshkruar në Uashington, Kosova është zotuar se do të vendosë marrëdhënie diplomatike me Izraelin dhe se do ta hapë misionin e saj diplomatik në Jerusalem, ndërsa Serbia është zotuar se do ta zhvendosë ambasadën e saj ekzistuese në Izrael nga Tel Avivi në Jerusalem.
Prej gushtit 2020, shteti hebraik ka rritur marrëveshjet e normalizimit me shtetet arabe – Emiratet e Bashkuara Arabe, Bahreini, Sudani dhe Maroku – por këto vende nuk kanë arritur të njohin qytetin e diskutueshëm të Jeruzalemit si kryeqytetin e Izraelit.

editor

Related Articles

Leave a Reply

Your email address will not be published. Required fields are marked *