Kanada/ Ujvara e Niagarës “ngjyroset” kuq e zi

Kanada/ Ujvara e Niagarës “ngjyroset” kuq e zi

Nga Shani Pnishi

Ujëvara e Niagarës (Niagara Falls) në Kanada, më e njohura në botë u ndriçua mbrëmjen e 28 nëntorit për të dytin vit radhazi me ngjyrat e flamurit tonë kombëtar. Kjo ndodhi për nder të 109 vjetorit të Pavarësisë së Shqipërisë, dhe 5 vjetorit të shpalljes së muajit nëntor si Muajit të Trashëgimisë Shqiptare në Ontario.

“Falenderim i veçantë për Bordin e Ndriçimit të Ujvarës së Niagarës!” thuhet në deklaratën e Ambasadës së Shqipërisë në Kanada. Ujëvara e Niagarës, njihet si simboli i Kanadasë i njohur në mbarë botën, dhe konsiderohet ndër vendet më të vizituara në botë.

Ambasadori Muça shprehu mirënjohje ndaj autoriteteve përkatëse kanadeze për bashkëpunimin dhe gjestin fisnik që ata treguan në orët e vona të mbrëmjes së 28 nëntorit.

“Falënderim i veçantë për Bordin e Ndriçimit të Ujvarës së Niagarës!”- thuhet në statusin e Ambasadës së Shqipërisë në Kanada shpërndarë në faqen e saj në Facebook.

Është hera e dytë që ky vend turistik e bën një gjest të tillë,  por pjesëmarrja në këtë ceremoni ka qenë e kufizuar nga numri si pasojë e masave në fuqi në Ontario për parandalimin e pandemisë COVID-19.

“Është realisht kënaqësi e veçantë dhe një privilegj që kam nderin t’ju uroj festat nga Ujëvara e Niagarës, simboli i turizmit, e cila sot është ngjyrosur me ngjyrat kuq e zi”, shprehet Ambasadori Muça.

Ishte kjo një përmbyllje e organizimeve të ndryshme të komunitetit shqiptar për nder të kësaj dite, përfshirë këtu qytetet më të rëndësishme kanadeze si Toronto, Hamilton, Montreal, Vancouver, Calgary, Regine, etj.

administrator

Related Articles

Leave a Reply

Your email address will not be published.