KANADA- Quebec rikthen shtetrrethim,  prish festimet e Vitit të Ri

KANADA- Quebec rikthen shtetrrethim, prish festimet e Vitit të Ri

Qeveria e Quebec-ut vendosi rikthimin e shtetrrethimit në një përpjekje për të frenuar përhapjen e variantit shumë ngjitës Omicron, mbylljen e restoranteve, rihapjen e shkollave një javë më vonë nga sa e parashikuar si dhe mbylljen e bizneseve jo thelbësore prej së dielës.

Kufizimet e reja do të hyjnë në fuqi të premten në orën 17:00.

Gjatë një konference për shtyp, mbrëmjen e sotme, kryeministri François Legault u shpreh se: “Ne jemi në gjendjen më të keqe të pandemisë deri më tani,” tha Legault. “Rastet janë nënvlerësuar për shkak të testeve të shpejta [në shtëpi] dhe ne rrezikojmë të tejkalojmë kapacitetin e spitaleve në javët e ardhshme.”

Personat që nuk kanë një arsye bindëse për të qenë jashtë shtëpive të tyre nga ora 22:00 e mbrëmjes deri ne 5 e mëngjesit, rrezikojnë të gjobiten nga 1.000 deri në 6.000 dollarë, tha Legault. Ai nuk njoftoi një datë përfundimi për shtetrrethimin, por tha se do të ishte kufizimi i parë që do të hiqet pasi situata të përmirësohet.

Quebec raportoi 14,188 raste të reja me COVID-19 të enjten, numri më i lartë i rasteve të konfirmuara ditore që nga fillimi i pandemisë.

Të gjitha shkollat ​​do të qëndrojnë të mbyllura deri më 17 janar, por do të ofrojnë mësim në distancë aty ku është e mundur. Kopshtet do të mbeten të hapura, duke u dhënë përparësi fëmijëve të punonjësve të kujdesit shëndetësor.

Shumica e dyqaneve do të jenë të mbyllura të dielave, me përjashtim të bizneseve të caktuara si pika karburanti apo farmaci.

Vendet e kultit gjithashtu duhet të mbyllen, përveç funeralit deri në 25 persona.

administrator

Related Articles

Leave a Reply

Your email address will not be published. Required fields are marked *