Kanada/ Një kor fëmijësh 100 % shqiptar

Kanada/ Një kor fëmijësh 100 % shqiptar

Nga Shani Pnishi
Festivali i Këngës për Fëmijë në Shqipëri dhe Marlee`s Got Talent”, në Kanada janë dy aktivitete që i ndan në mes një botë e tërë, por që kanë shumë të përbashkëta nga sa mund të mendohet.  Janë aktivitete që i dedikohen fëmijëve, dashurisë së tyre për këngën shqiptare, pasionit për muzikën. Të dy i bashkon përpëlitja e vazhdueshme e mbijetesës, por që falë dashurisë dhe përkushtimit të organizatoreve ja dalin çdo vit të sjellin një program, më të mirë se ai i kaluari. Mbi të gjitha këto dy aktivitete kanë një të përbashkët të madhe: Fëmijët shqiptar. Ndërsa Festivali i Këngës për Fëmijë është 100% produksion shqiptar (në Shqipëri dhe me fëmijë shqiptar),  “Marlee`s Got Talent” (MGT) është një talent-show ose festival i fëmijëve shqiptarë të Torontos dhe më gjerë, që përfshin fëmijë të moshave 4 deri 18 vjeç dhe organizohet vullnetarisht çdo vit në fund të majit ose në fillim të qershorit.
Ina Xoxa, mësuese dhe koreografe thotë për gazetën “Diaspora Shqiptare”: “Unë fillimisht e nisa aktivitetin muzikor me dy fëmijët e mi të vegjël duke u mësuar të këndojnë dhe të luajnë në piano dhe kitarë këngë shqiptare. Të dy kënduan në Festën e Flamurit në nëntor 2011 të organizuar nga Shoqata e Bashkësisë Shqiptaro- Kanadeze e Torontos. Duke parë dëshirën e shumë prindërve të lagjes “Marlee Avenue” në Toronto, pasionin tim për të punuar me fëmijë dhe inkurajimin e bashkëpunëtores sime të vjetër, Gentjana Aliaj, mora iniciativën të formoja Korin e Fëmijëve të Torontos me 24 koristët e parë. Ky kor i ri mori pjesë në festën e 8 Marsit 2012, festën e shkollave shqipe të Torontos në qershor 2012, si dhe në Koncertin e madh të 100 Vjetorit të Pavarësisë, të gjitha të organizuara nga SHBSHK e Torontos.

Më pas dëshira për pjesëmarrje po rritej kështu që mendova të organizoj një talent shoë ku fëmijët shqiptarë do të kishin mundësi të këndonin në kor kënge shqipe, të kërcenin vallet tona të bukura, të luanin instrumente, të recitonin, e kështu me radhë me një repertor shqiptar, kanadez dhe ndërkombëtar. MGT  është shfaqur në maj 2014 dhe deri tani kemi organizuar vit pas viti  gjashtë shfaqje. Në vitin 2020 dhe 2021 për shkak të pandemisë, kori i MGT se ka organizuar disa shfaqje online”.
Kori i Fëmijëve (MGT choir) sot ka mbi 40 anëtarë ku përfshihet edhe Kori i të Rinjve (12 të rinj). Një meritë të veçantë në suksesin e korit ka muzikantja/violinistja e talentuar Entela Galanxhi, mësuese dhe koncertmaster në Greater Toronto Philharmonic Orchestra (GTPO). Entela Galanxhi e ka mbështetur vullnetarisht  korin që në krijimin e tij duke kompozuar dhe arranzhuar muzikën e 50 këngëve. Së bashku me të shoqin, muzikantin e talentuar Qazim Kallushi, mësues dhe drejtor ekzekutiv i GTPO si dhe me Mara Cakon, mësusese në dhe pianiste ne GTPO, kanë shoqëruar korin dhe solistët në skenë në shfaqjet e MGT-së në vite. Gjithashtu pianistja e talentuar Sofia Papadhimtri së bashku me mjeshtrin Jani Papadhimitri të “Trio Fammus” kanë shoqëruar korin e Mgtse në disa performanca mbresëlënëse.
Veçantia e korit dhe talent shoë është se femijët pranohen pa audicione/përzgjedhje pasi qëllimi parësor i këtij festivali është që t’u ofrojë të gjithë fëmijëve shqiptarë, që kanë dëshirë, një mundësi për të mësuar këngë e valle shqiptarë, folklorike e të përpunuara.

“Festivali vazhdon të organizohet çdo vit falë dëshirës së fëmijëve, punës së palodhur të prindërve që ndihmojnë me ç’të munden, sponsorëve dhe dashamirësve. MGT fton të gjithë fëmijët nga Toronto dhe rrethina e kudoqoshin të marrin pjesë në festival e aktivitete të ndryshme. Vitet e fundit në MGT Shoë kanë marrë pjesë edhe studentët e talentuar shqiptarë të shkollës Papadhimtri në Toronto”- thekson znj. Xoxa.
Sponsorët dhe bashkëpunëtorët më të vjetër, që prej daljes së parë në skenë të fëmijëve e në vazhdim janë: Gentjana Aliaj, LGH Art Photography (Genti & Lorida Hali), TV Pasqyra Shqiptare, Entela Galanxhi, Qazim Kallushi, Mara Cako, Sofia Papadhimtri, Rudin Lengo, Ardi Shtylla, Eva Hoxha, Alma Doku, Enkeleda Deda, Rei Misiri, Vilma Mebelli etj, etj. Disa biznese shqiptare në Toronto dhe rrethina kanë mbështetur MGT Shoë çdo vit me shpenzimet e skenës, kostumeve, veshjeve të korit. Ne u jemi mirënjohës të gjithëve për entuziazmin dhe dëshirën që kanë për të ndihmuar në trashëgimin e kulturës sonë të fëmijët dhe të rinjtë e diasporës. Çdo vit fëmijet e këtij kori shprehin falënderimet e tyre për sponsorët në një video speciale mirënjohjeje që përcillet në rrjetet sociale.
Vitet e fundit anëtarët e MGtsë kanë filluar të punojnë më shumë së bashku duke përgatitur performanca në grup. Një grup të rinjsh të MGTsë ndajnë eksperiencën e tyre në valle e këngë me më të vegjëlit duke i ndihmuar me video tutorial. Êshtë kënaqësi të shikosh se si MGT po lulëzon si një komunitet i vogël ku të gjithë punojnë vullnetarisht për muaj me radhë, me pasion e përgjegjësi për të krijuar kujtime të bukura të përbashkëta. Bashkëpunëtoret më të dalluara që ndihmojnë në kor dhe valle janë të rejat: Olivia Xoxa, E.A., Amanda Doku, Doreen Shtylla dhe Alyssa Dedelli. Të gjithë ne prindërit që ndihmojmë në përgatitjen e shfaqjes mësojmë shumë nga fëmijët tanë dhe plotësojmë njeri-tjetrin duke ndërthurur me sukses më të mirat e të dy kulturave, shqiptare dhe kanadeze.
Po kush është drejtuesja e këtij kori, Ina Xoxa? Ajo nuk ka kualifikime muzikore, por është e diplomuar në Mjekësinë e Përgjithshme në Universitetin e Tiranës, ndërsa në Kanada punon si mësuese në PDSB (Ontario Certified Teacher, OCT). Ajo thekson se “pasionin për muzikën, artin dhe punën me fëmijët e kam trashëguar nga prindërit e mi që kanë qenë arsimtare të përkushtuar  dhe artdashës, dhe sidomos nga im atë që ka qenë organizator koncertesh në shkollë por edhe një aktivist në komunitet. Një mbështetje të vazhdueshme në punën time vullnetare si drejtuese e korit dhe drejtuese artisike e MGT Shoë kam patur nga familja ime, bashkëshorti im, Vaska Xoxa dhe fëmijët e mi Scott dhe Olivia Xoxa. Vitet e fundit vajza ime, Olivia, më ka ndihmuar shumë si bashkëpunëtore në zgjedhjen e këngëve, koreografinë e valleve duke implementuar idetë e brezit të ri në organizimin e shfaqjeve”.
Aktivitete të ndryshme te Korit te MGT-së:
MGT talent Show çdo vit që prej vitit 2014;
Koncerte, aktivitete të organizuara nga SHBSHK Toronto;
Koncerti i Shkollave Shqipe të Torontos;
Ëorld Vision, Global 6K for Water Concert, shoqëruar nga “Trio Fammus” (Jani & Sofia Papadhimtri);
Koncerti i Bamirësisë organzuar nga Linda & Ervin Meço;
Fundraising me donacione nga vetë fëmijët dhe 2 këngë të korit në mbështetje të bashkëmoshatarëve në Shqiperi (Tërmeti 2019);
Koncerti virtual i Festës së Flamurit 2020 organizuar nga Ambasada Shqiptare në Ottaëa;
Festivali i 11-të ndërkombëtar i Vjenës 2021 – World Peace Choral Festival 2021 (online). Në këtë festival marrin pjesë 300 kore nga 40 vende të botës. Kori i MGT-së mori pjesë me dy këngë shqiptare: “Margjelo” – Kori i të rinjve dhe “Këndo bilbil i fushave” Kori i MGTse dhe te dyja u vleresuan me çmimin “Bronze”.

editor

Related Articles

Leave a Reply

Your email address will not be published. Required fields are marked *