By Toronto- KANADA
Mbrëmë në zyrën e Shoqatës së Bashkësisë Shqiptaro-Kanadeze në Toronto u zhvilluan homazhe në nderim të jetës dhe veprës së valltares së njohur shqiptare, Liliana Cingi.
Ajo prej shumë vitesh ka jetuar në Kanada, duke u bërë pjesë e rëndësishme e komuntitetit shqiptar dhe e shpalosjes së vlerave tona artistike dhe kombëtare.
Të pranishëm ishin miqtë e saj që kanë kontribuar sidomos në dekadën e fundit në këtë shoqatë, të cilët me lot në sy përkujtuan çastet e bukura artistike që Lili i ka dhuruar shoqatës, komunitetit shqiptar, madje edhe publikut kanadez me paraqitjen e saj me Grupin e Valleve “Shqiponjat e Vogla” në Air Canada Center në ndeshjet e basketbollit në NBA duke festuar Muajin e Trashëgimisë Shqiptare në Ontario!
“Nderi i Kombit” dhe “Mjeshtër i madh”, Lili Cingu u gjallua në komunitetin shqiptar të Torontos përmes kujtime, dedikime, valleve, interpretimeve dhe poezi të dedikuar.
Nuk ishin të paktë mesazhet e ngushëllimit për të gjithë ata që e njohën edhe nga provincat e tjera të Kanadasë duke shprehur edhe simpatinë e të gjithë viteve që e patën duartrokitur apo admiruar në skenë.
Në pothuaj gjithë qëndrimin e saj në Diasporën e Kanadasë, Cingu ishte e aktivizuar për të përcjellë kosntumografinë dhe trashëgiminë shpirtërore në komunitetin shqiptar.
E pandarë në aktivitetet me përmbajtje kulturore, shqiptare ose jo, Lili Cingu me sharmin dhe finesën e një valltareje të rrallë, çoi bukurinë e valleve shqipe duke e trashëguar tek të rinj të talentuar.
Solistja “mbretëreshë” e Ansamblit të Këngëve dhe Valleve Popullore, Lili Cingu u shua mbrëmjen e së hënës në moshën 73-vjeçare, pas betejës me një sëmundje të rëndë.
Një rol të rëndësishëm në jetën e gjatë artistike të Lili Cingut kanë luajtur edhe koreografët, ata që i besuan asaj perlat e koreografisë, duke filluar që nga Panajot Kanaçi, Gëzim Kaceli, Agron Aliaj etj.
Lili Cingu është shquar për një interpretim dinjitoz, elegancë e finesë, si dhe një kulturë të lartë muzikore, si njohese e folklorit të të gjitha trevave.
Këto cilësi i dhanë asaj mundësinë që të shpreh më mirë aftësinë në interpretimin e valleve lirike, por edhe atyre epike.
Ajo ishtë nderuar me mjaft çmime, urdhra e medalje të ndryshme, me Çmimin e Republikës”, “Urdhrin “Naim Frashëri”. “Artiste e Merituar”etj.
Për talentin, punën dhe suksesin e Liljana Cingut flasin dhjetra emisione televizive, reportazhe, me qindra faqe të shtypit të shkruar brenda dhe jashtë vendit.
