By Mbretëresha Geraldinë e Shqiptarëve përkujtohet në 107-vjetorin e lindjes. Ajo vjen nga një familje me tradita siç shkruan dhe princi Leka: “Rridhte në vijë te drejtë nga Johann-Georg II i Anhalt-Dessau-t (shek. XVII), babagjyshi i një pjese të mirë të sovranëve të Europës”. Vendlindja e saj ëshë Budapesti, ndërsa emri i plotë është Countess Geraldine Margit Virginia Olga Maria Apponyi de Nagy-Appony (nagyapponyi Apponyi Geraldine Margit Virginia Olga Mária.
Mbretëresha Geraldinë e Shqiptarëve u lind më 6 gusht 1915 në Budapest. Familja e saj ishte një ndërthurje e shkëlqyer e aristokracisë së moçme të Europës qëndrore dhe e shoqërisë së lartë dhe liberale amerikane. Ajo erdhi në jetë në një ditë të shenjtë për të gjitha konfesionet e krishtera, atë të Transfigurimit, Shndërrimit të Zotit.
Gjithë jeta e saj ishte përkushtim ndaj transfigurimit të imazhit të vendit që e birësoi dhe të kombit të cilit, duke u martuar me Mbretin Zog I, i fali pa kursim zemrën. Mbretëresha Geraldinë rridhte në vijë te drejtë nga Johann-Georg II i Anhalt-Dessau-t (shek. XVII), babagjyshi i një pjese të mirë të sovranëve të Europës.
“Unë besoj se me paqe dhe dashuri, me devocion dhe besnikëri për idealin kombëtar, ne do ta çojmë përpara Atdheun tonë, që është pjesë e Europës dhe e botës së qytetëruar”, linte mesazh Mbretëresha Geraldinë.
Mbretëresha Geraldinë e Shqiptarëve është trajtuar gjithmonë me delikatesë e nderim në rangjet e larta të mbretërive në mbarë botën.
