Tiranë- Shqipëri
????? ?????? ka lindur në qytetin e Shkodrës nga ku ka marrë edhe dashurinë për artin dhe për të bukurën dhe ka hedhur penelat e parë në telajo. Piktorja Hetoja i është dedikuar artit pamor që në moshë të re, duke përcjellë në telajo frymëzimin e marrë tek natyra dhe të përcjellë në forma të reja të plot gjallëri, larmishmëri dhe individualitet.
![](https://ampress.ca/wp-content/uploads/2022/06/289581134_2159403404222351_3632950455506661973_n.jpg)
![](https://ampress.ca/wp-content/uploads/2022/06/288664279_2159705430858815_5471543832479794584_n.jpg)
Ekspozitat e Anilës pasojnë njëra-tjetrën, jo vetëm në Tiranë dhe Shkodër, por edhe jashtë vendit, si Gjermani apo në Kanada ku dhe ka studiuar në një ndër Universitetet më të njohur të Amerikës Veriore në fushën e dizanjit dhe artit në Toronto. Ekspozita e parë e hapur nga Anila në vitin 2016 me tematikë “Love” u pasua një vit më pas nga ekspozita me tematikë “Motivet Tradicionale dhe Ngjyrat e Tokës“. Në vitin 2018, janë çelur dy ekspozitat “Gruaja” dhe “Njerëz në Focus”. Ekspozitat me tematikë “Natyrë” dhe “Art Expo”, të dyja të sjella tek publiku artdashës në vitin 2019, u ndoqën nga ekspozita në “Sallon Vjeshte” në 2021.
![](https://ampress.ca/wp-content/uploads/2022/06/288462524_2159703560859002_3108178925637594269_n.jpg)
![](https://ampress.ca/wp-content/uploads/2022/06/288203945_2159704664192225_6341870225001789610_n.jpg)
“Sensitive” është ekspozita personale e Anilës e cila u çel në Galerinë e Arteve në Tiranë mbrëmjen e së hënës. Artistja vendos gruan në qendër të 20 pikturave të realizuara në tre vitet e fundit, duke e sjellë në shumë dimensione.
“Kam ardhur me tematikën ‘Sensitive’ se kam dashur të prek natyrën femërore. Atë natyrën e ndjeshme. Kam dashur që femrën ta ngre në piedestal, që të marrë vendin që i takon. E sjell në një siluetë, që unë e quaj si një ujëvarë mendimesh, kthjellimesh”, thotë Hetoja.
![](https://ampress.ca/wp-content/uploads/2022/06/289589787_2159496374213054_861921432683009194_n.jpg)
![](https://ampress.ca/wp-content/uploads/2022/06/288892273_2159705497525475_2229411339810377212_n.jpg)
20 piktura, akrilik në pëlhurë, të realizuara në tri vitet e fundit, ku gruaja krijon në një ‘Infinit’ a përqafim klimtian, habitatin e saj të dashurisë. Pikturat krijojnë dialogje mes tyre, qoftë edhe përmes ngjyrave të ngjashme që rimarrin subjekte të larmishme.
Ekspozita do të qëndrojë e hapur për vizitorët deri në 3 korrik.