Dua Lipa prezanton FLUTUR në bashkëpunim me Puma

Dua Lipa prezanton FLUTUR në bashkëpunim me Puma

Këngëtarja shqiptare me famë botërore, Dua Lipa, prej vitesh është bërë pjesë e markës së famshme, Puma.

uma është një nga markat më të njohura në botë për sa i përket veshjeve sportive.  Ditët e fundit gjigandi gjerman ka zbuluar koleksioni e tij të ri, i cili vjen si një surprizë shumë e bukur për publikun shqiptar.  Bëhet fjalë për koleksionin Puma Flutur. Një zgjedhje jo rastësore, nga momenti që koleksioni, që brenda saj ka asortiment veshjesh, këpucësh dhe aksesorësh të ndryshëm, si simbol të saj do të ketë pikërisht insektin shumëngjyrësh.

Partneriteti i tyre tashmë po shkon në një nivel tjetër meqenëse është edhe ambasadore e këtij brendi të madh.

Fituesja e çmimeve ‘Grammy’ dhe Puma tani po nxjerrin një koleksion të titulluar shqip.

Po pse Puma ka përzgjedhur pikërisht fjalën shqiptare? Me siguri, si sugjerim i Dua Lipës, yllit kosovar që po shndrin në skenat botërore të muzikës pop, që do të jetë edhe imazhi zyrtar i këtij koleksioni. Këngëtarja ka shpërndarë në profilin e saj zyrtar fotografi të ndryshme e veshur me koleksionin e ri, duke njoftuar se ai do të hidhet në treg më 18 dhjetor, diçka e pohuar edhe në faqen zyrtare të Puma.  

Është hera e parë që një markë kaq e njohur përdor për koleksionin e tij një emër shqiptar, tjetër dëshmi që një nga objektivat e Dua Lipës krahas muzikës, mbetet promovimi i vendlindjes së saj.  Koleksioni, i frymëzuar nga vitet ’90, thuhet se do të përfshijë katër pjesë në stilet e veshjeve dhe këpucëve dhe përmban një logo të re që kombinon logon e Pumas me një flutur.

“Dua dhe Puma. Koleksioni Flutur do të dalë më 18 dhjetor”, thuhet në një postim të Lipës.

administrator

Related Articles

Leave a Reply

Your email address will not be published.