By 
Ekipi realizues i serisë “Black Mirror” është rikthyer me një projekt të ri, me të cilin në vend se të rrëfejnë një tjetër histori se si teknologjia mund ta shkatërrojë jetën, ka vendosur që ta kthejnë fokusin kah viti 2020. Krijuesit e shout të famshëm, Charlie Brooker dhe Annabel Jones, kanë realizuar dokumentarin tallës “Death to 2020”, i cili është publikuar në platformën “Netflix” më 27 dhjetor.
“Vdekje për 2020-n”, është një “Mockumentary” 70-minutësh që ndërthur pamjet e jetës reale për të rrëfyer disa nga momentet më të paharrueshme të vitit 2020. (*Mockumentary – Një projekt televiziv që merr formën e një dokumentari serioz në mënyrë që të satirizojë temën e tij.)
Krijuesi i këtij projekti që ofron reflektim, dhe të qeshura, është Charlie Brooker. Ky dokumentar i mbushur me YJE, është drejtuar nga producenti Al Campbell dhe Alice Mathias, është shkruar nga rreth 20 shkrimtarë.
Duke përdorur pamjet arkiv dhe ato më të freskëtat si shpërndarja e vaksinës, “Death to 2020” përpiqet të shikojë prapa gjatë këtij viti përmes perspektivës së personazheve imagjinarë, që luajtën një pjesë të rëndësishme të vitit.
Projekti mban një rend kronologjik të vitit dhe është e paketuar si një leksion historie për kohën e fundit. Por është edhe si një shfaqje klip, me paraqitjet e personazheve të famshëm.
“Ne shpresojmë t’u japim njerëzve një lloj ekzorcizmi të vitit 2020, për të parë prapa dhe për të njohur marrëzitë dhe kaosin e të gjithave, por shpresojmë të jemi në gjendje të qeshim pak”, shprehet Annabel Jones për Hollywood Reporter, një nga prodhuesit e filmit. “Njerëzit patjetër kanë nevojë për një lehtësim”.
Ky projekt nga ana tjetër, thjesht përpiqet të lidhet me shikuesin duke skanuar ngjarjet kryesore dhe duke i dhënë të gjithëve një buzëqeshje, e cila në vetvete është një qasje cinike për një vit që mund të ketë marrë shumë njerëz, por u bë i rëndësishëm dhe zbulues në mënyrën e vet absurde. 2020-ta meriton më shumë.
