COVID-19\ Një vit nga viktima e parë në Wuhan

COVID-19\ Një vit nga viktima e parë në Wuhan

Një vit më parë, Kina njoftoi viktimën e parë të një virusi të ri, në Wuhan. 12 muaj më vonë, Covid 19, ka marrë 1.9 milionë jetë njerëzish gjatë vrapit të tij të pandalur në të gjithë botën. Por në qytetin qendror kinez, me 11 milionë banorë, ku edhe nisi shpërthimi, virusi është zhdukur.

Mëngjesin e së hënës, përvjetori kaloi pa rënë në sy në Wuhan. Njerëzit udhëtojnë lirshëm drejt vendeve të tyre të punës ndërsa qyteti gumëzhin nga kalimtarët, në një qytet të vendosur që ta heqë etiketimin si “pika zero” i koronavirusit.

Në një raport më 11 janar 2020, Kina konfirmoi viktimën e parë të saj nga një virus i panjohur, një 61 vjeçar që  ishte frekuentues i rregullt i një tregu në Wuhan të lidhur me shumë prej rasteve të para. Dhe e gjithë bota, do ta njihte shumë shpejt sëmundjen që i mori jetën atij, si Covid 19. Pak gjëra dihen tani për viktimën e parë, përfshirë emrin e tij, ndërsa tregu ku u raportuan rastet e para mbetet i mbyllur. Ekspertë të pavarur ende nuk kanë marrë akses për të hyrë në këtë treg apo për të gjurmuar në detaje ecurinë e virusit në ato ditë të para të tij në Wuhan. Por qyteti tani është rikthyer në jetë dhe është krenar për këtë.

Tani, Wuhani është qyteti më i sigurt në Kinë dhe në të gjithë botën./TCH/

editor

Related Articles

Leave a Reply

Your email address will not be published. Required fields are marked *