COVID-19/ A do të përfshihet Quebec në valën e gjashtë?

COVID-19/ A do të përfshihet Quebec në valën e gjashtë?

Quebec- Kanada
Mesa duket rritja e rasteve të prekur me COVID-19 ka nxitur aludimet se provinca e Quebec mund të përfshihet së shpejti nga vala e gjashtë, ndërkohë që 8600 punonjës të kujdesit shëndetësor mungojnë për shkak të ekspozimit ndaj sëmundjes.
Në më pak se një javë, 60% e stafit shëndetësor mungojnë për shkak të COVID-19, është shprehur drejtori kombëtar i shëndetit publik të Quebec, Luc Boileau. Sipas tij, është herët për ta konfirmuar që Quebec është zhytur në një valë të gjashtë, por provinca po i afrohet sërish mbylljes ndërsa shifrat janë në tendencë rritjeje.
Të paktën dy nga tre rastet e COVID tani besohet se janë të lidhura me variantin BA.2, i cili është 30-40% më ngjitës se Omicron.
“Ka një lloj naiviteti imunitar, njerëzit janë më pak imun ndaj varianteve të ndryshme,” konfirmon Roxane Borgès da Silva, profesore në Shkollën e Shëndetit Publik në Universitetin e Montrealit. Vërehet një rritje e shtrimeve në spital në disa rajone, duke përfshirë Gaspésie-Îles-de-la-Madeleine, Saguenay-Lac-Saint-Jean dhe Abitibi-Témiscamingue.
“Në përgjithësi ata kanë qenë më pak të prekur, ky lehtësim i masave i inkurajon edhe më shumë që të mos heqin kujdesin e tyre”, thotë ajo. Gjatë valës së pestë, shkalla e mungesave për punonjësit e kujdesit shëndetësor në rajone të tjera ishte pak më e ulët se në Montreal, tha Dr. Boileau.
Duke u përballur edhe një herë më një mungesë të theksuar stafi mjekësor, tërheqim vëmendjen ndaj popullatës për kujdesin higjenik ndaj tyre si dhe respektimin e të gjitha masave protokollare ndaj COVID-19.
Sipas: Le journal de Québec

administrator

Related Articles

Leave a Reply

Your email address will not be published.