Britania i thotë lamtumirë Monarkes Elisabeth, rrugëtimi i fundit i Mbretëreshës

Britania i thotë lamtumirë Monarkes Elisabeth, rrugëtimi i fundit i Mbretëreshës

Këmbanat e katedralet ranë plot 96 herë në kujtim të saj, për çdo një minutë, duke simbolizuar kështu vitet e saj të jetës


Mbretëresha Elisabeth II varroset sot në Londër përmes një ceremonie shtetërore, ngjarje që po vlerësohet si operacion i “paprecedent” i sigurisë në kryeqytetin britanik. Në Kishën Uestminister të Londrës është mbajtur ceremonia fillestare e varrimit të Mbretëreshës britanike, Elizabeta II. Në këtë Kishë, në të kaluarën, ajo është martuar dhe është shpallur mbretëreshë.

Në mesin e 2.000 të ftuarve kanë qenë liderë botërorë, përfshirë presidentin amerikan, Joe Biden, kryeministrin e Kanadasë Justin Trudeau dhe qindra udhëheqës tjerë shtetesh. Mbreti Charles III, ka qëndruar mbrapa arkivolit të mbretëreshës së ndjerë. Ceremonia është shoqëruar me muzikë kishtare dhe lexim të Biblës. Kryepeshkopi i Kantburit, Justin Welby, e ka përfshirë në predikimin e tij shprehjen e përdorur nga Mbretëresha, “ne do të takohemi sërish”. Ajo e pati përdorur këtë shprehje në një adresim të rrallë para kombit, pas shpërthimit të pandemisë së koronavirusit.

“Dhimbja e kësaj dite – e ndjerë jo vetëm nga familja e mbretëreshës, por edhe nga i gjithë kombi, dhe vendet tjera në botë – lind nga jeta dhe shërbimi i saj i bollshëm”. Ceremonia në këtë kishë ka përfunduar me dy minuta heshtje. Arkivoli i Mbretëreshës ka kryer një shëtitje të fundit në Londër, para se të dërgohet në Kështjellën Uindsor. Aty do të mbahet një shërbim me 800 persona.
Në fund, Mbretëresha Elizabeta II do të varroset në një ceremoni private në faltoren e Shën Xhorxhit, pranë burrit të saj të ndjerë, Princit Philip.
Britania nuk ka organizuar ceremoni të tilla varrimi prej 60 vitesh, përkatësisht që nga varrimi i ish-kryeministrit, Winston Churchill.

Sot, gjatë funeralit të Mbretëreshës Elisabeth II
administrator

Related Articles

Leave a Reply

Your email address will not be published.