By Doli nga shtypi libri i ri “Arratisje” i autores shqiptare me banim në SHBA, Mirela Kanini
TIRANË – Autorja shqiptare Mirela Kanini, e njohur për stilin e saj narrativ emocional dhe ngjarjet që shpesh prekin tema të mprehta sociale, vjen para lexuesit me romanin e saj më të ri “Arratisje”, botuar nga Shtëpia Botuese Fan Noli.
Ky është botimi i gjashtë në karrierën letrare të autores, një vepër që ndërthur elementët e thriller-it me një histori dashurie të ndërlikuar dhe njerëzore. Libri ndjek jetën e Mario-s, një emigrant i zakonshëm shqiptar në Itali, i cili përfshihet aksidentalisht në rrethana që e vendosin në konflikt me drejtësinë. Pas një arratisjeje të detyruar në Ukrainë, jeta e tij përfshihet nga trazira të reja, por edhe nga një ndjenjë e fortë dashurie me Ollgën, një vajzë ukrainase që sapo ishte kthyer nga studimet në Angli. Teksa shpërthen lufta, Mario përballet me zgjedhjen më të vështirë të jetës: të largohet apo të qëndrojë për dashurinë.
“Arratisje” është një roman i ndërtuar mbi dilemat njerëzore, zgjedhjet e vështira dhe forcat e padukshme që formësojnë fatin tonë – një rrëfim i fuqishëm që pasqyron realitete të prekshme për shumë emigrantë shqiptarë dhe lexues të brezave të ndryshëm.
Libri është aktualisht i disponueshëm në:
– Libraritë Adrion
– Instagrami i Shtëpisë Botuese Fan Noli
– Library Hygo në Durrës
– Plisi Librari në Tiranë
si dhe në pika të tjera shpërndarjeje në Shqipëri.
Për të apasionuarit pas romaneve të tensionit psikologjik dhe ngjarjeve që kapërcejnë kufijtë e zakonshëm, “Arratisje” vjen si një thirrje për reflektim, ndjeshmëri dhe emocion.
