By Interesi i kredisë është rritur 4.00% ose 7 herë për këtë vit të vetëm. Një rritje kaq e madhe nuk ka ndodhur që nga viti 2008. Kështu që interesi i bankës qendrore në fillim të vitit ishte 0.25% sot është 4.25%. Me këtë rritje interesi do të ndikojë shumë tek të gjithë ata që kanë interesin e kredisë së shtëpisë të ndryshueshëm, ata që kanë line krediti apo çdo borxh interesi i të cilit nuk është i fiksuar. Sot prime rate është 6.45%. Të gjithë klientëve që kanë marrë kredi në vitin 2022 nëpërmjet zyrës time, ju kam rekomaduar që të marrin interesin e fiksuar. Me këtë rritje banka qendrore është duke u munduar që të mbajë nën kontroll inflacinon që sot është tek 6.9% por duhet që të shkojë tek 2.00%. Unë mendoj që inflacionin NUK ka për tu ulur po qe se ekonomia e Kanadasë nuk shkon në decline dhe kjo mendohet që të bëhet në vitin që vjen dhe vitin 2024. Pas kësaj rënieje mbase ekonomia do të fillojë ngritjen nga fillimi i vitit 2025. Të gjithë ata që kanë borxhe me interesa të ndryshueshme ju sugjeroj që të komunikojnë me mortgage broker apo këshilltar ekonomie që të shikohet mundësi e kursimeve në këtë kohë krize.
London- ONTARIO
Besnik Rexhvelaj ka emigruar në Kanada prej vitit 2002 së bashku me familjen tij. I arsimuar për Financa pranë Universitetit të Tiranës në vitin 1991, Rexhvelaj ka përjetuar edhe ndryshimet dhe lëvizjen historike të studentëve të Dhjetorit. I adhur nga Shkodra, ai ka qenë pjesë e sistemit bankar si financier por edhe si drejtor i Bankës së Kursimeve (sot Raiffeisen Bank). Prej 4 vitesh, Besniku është kryetar i shoqatës së shqiptarëve ILIRIA, të vendosur në London.
Në një intervistë për Albanian Montreal Press, Besnik Rexhvelaj vjen me disa këshilla mbi investimet, pasojat e pandemisë së COVID-19, ruajtja e financave dhe një sugjerim për një Kongres mbarëshqiptar në Kanada.
Cili ështe thelbi i profesionit tuaj, çfarë duhet të dinë ata që duan t‘ju njohin?
Puna ose profesioni im konsiston në gjetjen e kredisë/hua për klientët, kredi e cila gjithmonë është më e mira në tregun financiar për kohën që aplikon. Unë jam i licensuar nga Ministria e Financave dhe çdo gjë është e rregulluar me ligje në këtë fushë. Disa nga shërbimet specifike që unë ofroj nëpërmjet profesiont tim janë:
a-Duke negociuar me më shumë se 50 institucione financiare në Kanada, gjithmonë është mundësia që të gjejmë kredi me interesa dhe kushte më të mira sesa institucioni financiar me të cilën një person kryen aktivitetin personal banker.
b-Unë punoj për klientin, jo per institucionin që do t’ju ofroj kreditë, kështu që gjithmonë mbaj anën e klientit dhe ofroj çfarë është më e mirë për klientin, jo për bankën.
c-Puna ime paguhet nga institucioni finaniciar i cili ofron kredinë për “x’ klient, kështu që shërbimi është FALAS në 99% të rasteve. Ky është një avantazh i madh për klientët tanë. Nuk besoj që ka një profesion tjetër në Kanada që të ofron shërbimin pa pages sikurse është ky i MORTGAGE BROKERIT.
d-Ofrojmë kredi/hua edhe për të vetpunësuarit dhe për ata që kanë kreditin jo të mirë dhe me probleme, një gjë të tillë nuk e ofrojnë shumica e bankave.
e-Pasi të mbyllet kredia, unë jam gjithmonë në kontakt me klientët për të ofruar këshilla sesi të paguhet kredia/huaja sa më parë që të jetë e mundur dhe sa më shpejt të keni një shtëpi apo biznes pa borxhe. Bankat zakonisht duan që juve të mos paguan borxhin shpejt.
f-Kur vjen koha për të renovuar kreditë, përsëri shikoj në tregun financiar për të gjetur një kredi sa më të mirë që të jetë e mundur. Në të shumtën e rasteve bankat kur klientët merren kredi direkt me to NUK e ofrojnë asnjëherë interesin e kredisë më të mirë në treg në kohën e rinovimit të saj. Pra, me një telefonatë këshillimi ju siguroj që do të kurseni para në kredinë që keni në shtëpi apo biznesin.
Kush janë shërbimet që ofron kompania juaj?
Shërbimet që ne ofrojmë janë: kredi për shtëpi apo biznes. Kjo kredi mund të jetë në pozicinin e parë, të dytë ose të tretë, thënë ndryshe 1st ,2nd ose 3rd mortgage, si më poshtë këto janë shërbimet që offroj:
a-1st & 2nd Mortgages me interesa më të ulta se Bankat.
b-1st & 2nd Private mortgages (Commercial & Residential)
c-Debt Optimization Strategies
d-Construction Financing (Residential & Commercial)
e-Commercial Mortgages
f-Multi-Residential / Investment Properties
g- Equity Line of Credit
gj-Land financing
h- Bridge financing
i- Rental properties
j-Immigrants
k-Discharged bankrupts
l- Vacation home/Cottage
ll- Self-employed individuals
Sigurisht që të gjitha këto shërbime i ofrojmë në gjuhën shqipe. Doja të theksoja këtu që unë drejtoj një ekip ekspertësh prej 6 vetash, në fushën e kreditimit të cilët janë lindur, rritur dhe edukuar në Kanada. Kjo është një arritje për mua dhe biznesin që unë drejtoj.
Si e shfrytëzoni internetin dhe mediat sociale për të tërhequr tregun?
Interneti dhe media sociale janë bërë të pandara në përditshërinë tonë. Këtë gjë e forcoi edhe më tepër pandemia (fatkeqësisht), që ne po kalojmë që nga fillimi i vitit 2020. Unë kam llogari të hapura për biznesin në të gjitha rrjetet sociale (Facebook, Tweeter, Instagram, YouTube, LinkedIn Google etj).Të interesuarit mund të më kontaktojnë shumë lehtë nëpërmjet internetit. Në fakt, do të preferoja që t’i takoja të interesuarit për shërbimet e kreditimit personalisht. Njeriu ka nevojë për të biseduar e takuar fizikisht, POR shpresojmë që jeta jonë e të gjithëve t’i rikthihet normalitetit të mëparshëm, pasi nuk është shumë e gjatë!
Ju jeni president i shoqatës shqiptare ILIRIA, cila është marrëdhënia juaj me komunitetin tonë?
Po ashtu është, prej 4 vitesh jam President i Shoqatës mbarëshqiptare “ILIRIA” që kemi këtu në London Ontario, e themeluar nga viti 2010. Në Mars, shoqata “ILIRIA” do të festojë 12-vjetorin e saj. Misioni i kësaj shoqate shqiptare është që komuniteti ynë/shqiptarët të jenë sa më afër njëri-tjetrit, duke u bërë pjesë e kësaj shoqate, nëpërmjet anëtarsimit dhe ndihmes vullnetare te gjithsecilit. Në të njëjtën kohë, e rëndësishme është edhe bërja e biznesit brenda komunitetit, pra që shqiptarët të marrin biznes nga shqiptarët këtu në London, e kudo në Kanada e më gjerë. Një gjë e tillë do të ndihmonte që ne të jemi pranë njëri-tjetrit si komunitet, dhe të mbajmë të gjalla tradita tona shumë të bukura shqiptare dhe të forcohemi edhe nga ana ekomomike po ashtu. Me anë të kësaj, të krijojmë mundësinë që të trashëgojmë bashkëpunimin edhe tek brezi i dytë i fëmijëve tanë, e kështu në vazhdim. Shembulli më i mirë i kësaj janë shqiptarët e Jugut të Italisë, që për më shumë se 5 shekuj e kanë ruajtur, kultivuar dhe trashëguar kulturën e të parëve. Vlerësoj se kjo do të ishte një arritje e konsiderueshme në komunitet. Nëpërmjet shoqatës, komunikojmë edhe me autoritete lokale, provinciale e federale kanadeze, pra shoqata jonë njihet në të 3 nivelet e qeverisjes këtu në Kanada. Kjo mbetet një sukses për të gjithë komunitetin shqiptar në qyetetin tonë e më gjerë.
Sipas jush si po ruhen traditat shqiptare në Diasporë?
Tradita shqiptare në Disaporë është duke u ruajtur në kushtet vullnetare tek çdo familje shqiptare besoj dhe uroj. Organizimi në shoqatë, në sporte, klasat e gjuhës shqipe dhe çdo aktivitet tjetër më bazë komunitare është një rrugë e mirë për të ruajtur traditat dhe kulturën tonë shqiptare. Një shembull që kemi këtu në London është edhe klubi i futbollit shqiptar, që ne kemi të regjistruar këtu në London. Ky klub, është një tjetër mundësi për të na mbajtur sa më afër dhe vazhdimisht na afron me njëri-tjetrin, gjithashtu edhe me komunitetin e qytetit të Londonit. Ne kemi 3 ekipe shqiptare që për çdo vit konkurojnë në kampionate që organizohen këtu dhe jemi fitues të disa kupave. Duke e pas sportin e futbollit si aktivitet, ka shërbyer që të afrojë edhe të rinjtë shqiptare gjë që është shumë e domosdoshme.
Para pak kohësh kam parashtruar një ide lidhur me atë që shqiptarët me banim në Kanada të organizonim një Kongres mbarë shqiptar në të gjithë Kanadanë. Realizimi i kesaj do ti jepte një zë të fuqishëm përfaqësimit në fushën ekonomike e politike me një zë të vetëm. Ne e kemi shprehjen »bashkimi bën fuqinë». Kjo është e mundur, por kërkon një organizim dhe përkushtim nga të gjithë shqiptarët e organizuar ndër shoqata në të gjitha provincat e vendit. Unë njoh mjaft komunitete të tjera të cilat e përcjellin trashëgiminë e tyre nëpërmjet një organizimi madhështor, pse të mos rreshtohemi edhe ne në të njëjtën vijë.
Në përfundim, doja të falenderoja të gjithë shqiptarët që më kanë mbështetur në biznesit tim gjatë 17 viteve si ekspert kreditimi këtu në Kanada!
Në të njëjtën kohë doja t’ju falenderoja ju për mundësinë dhe hapësirës që më dhatë për t’u shprehur pranë portalit tuaj me këtë intervistë. Ju uroj punë të mbarë Juve dhe portalit që juve drejtoni, Albanian Montreal Press!
Bisedoi: Blerina Ruka
Faqja zyrtare e Besnik Rexhvelaj, Mortgage Broker
