By Varrezat mijëravjeçare, të vendosura afërsisht 20 kilometra në jug të qytetit egjiptian Minia, vazhdojnë të hedhin dritë mbi historinë misterioze të egjiptianëve të lashtë.
Varret e Amenotepit, i cili i përkiste dinastisë së faraonit 12 dhe Knumotepit IV tërheqin vëmendjen e turistëve vendas dhe të huaj me strukturën e tyre arkitekturore dhe pikturat tërheqëse në mure.
Merve Mursi, një nga vizitorët e rajonit, tha se “varret janë magjepsëse me strukturën e tyre dhe përshkrimet në mure. Ajo i çon vizitorët e saj në një udhëtim historik të këndshëm në të kaluarën”.
Duke shprehur interesimin e saj të veçantë për ndërtesat historike, Mursi tha se Egjipti, që ka qenë shtëpia e shumë qytetërimeve nga e kaluara e deri më sot, ka një histori mijëravjeçare dhe struktura të tilla historike ka në shumë qytete: “Ajo që i bën të veçanta varret është se ato janë gdhendur në male”.
Duke theksuar se egjiptianët e lashtë arritën shumë arritje të rëndësishme pavarësisht nga vështirësitë e periudhës dhe se ata përbënin një nga qytetërimet kryesore në shkencë dhe art.
“Ka dhjetëra ndërtesa historike që datojnë qindra vjet në vendin tim dhe të gjitha kanë veçori unike. Për shembull, pikturat e përshkruara në muret e varreve; secila ka një kuptim të ndryshëm dhe nëse vini re, nuk ka asnjë të njëjtë në mesin e dhjetëra pikturave në mur. Veç kësaj, ka edhe një veçori tjetër që i bën varret të veçanta. Faktori është se ishte gdhendur në male”, tha Mursi.
Pikturat e paraqitura në muret e varreve mbeten të freskëta pavarësisht shekujve që kalojnë. Në muret e varreve të Amenotepit dhe Knumotep IV ka përshkrime të jetës së përditshme, aktiviteteve bujqësore dhe peshkimit, si dhe piktura që evokojnë profesione të ndryshme si zdrukthëtari, varkë, qeramikë, bërjen e harkut dhe shigjetës. Pikturat në fjalë ruajnë ende freskinë e tyre pavarësisht shekujve që kanë kaluar.
Një tjetër vizitor në rajon, Korullus Majdi, tha se ai erdhi këtu me këshillën e miqve të tij dhe e gjeti atë më tërheqës sesa priste: “Edhe pse është një vend i vështirë për të ardhur, ky është një vend që duhet parë. Përveç pikturave në murin e varrit, mbishkrimet në gjuhën e lashtë egjiptiane në tavan zgjojnë kureshtjen tek vizitorët. Në përgjithësi, është një bukuri vizuale me strukturën dhe bukurinë e saj arkitekturore. Është një ndërtesë historike”.
Historia e varreve daton rreth katër mijë vjet më parë Vlerësohet se varreza e lashtë, e cila ka mbijetuar deri më sot, është ndërtuar mes viteve 2055-1650 p.e.s. /AA/
