By Sipas një studimi nga “The Electoral Integrity Project”, Shqipëria rënditet në 8 vendet e fundit në kontinentin europian, duke e klasifikuar atë kësisoj si një demokraci të mbyllur.
Ky studim, që mat perceptimin mbi integritetin elektoral të 169 vendeve të ndryshme të globit, u krye nga një grup ekspertësh për tre zgjedhjet e fundit të përgjithme në vend, përkatësisht për vitet 2013, 2017 dhe 2021.
SI kut matës per integritetin elektoral u morën 11 dimensione të ndryshme që pasqyrojnë, procedurën elektorale, kodin elektoral, ndarjen administrative, procesin e regjistrimit dhe numërimit të votave, financimin e fushatave, etj.
Rezultatet e këtij studimi nuk duhet të jenë një shqetësim i izoluar vetëm brenda qarqeve akademike, por një arsye për të kuptuar që gjithmonë e më shumë Shqipëria po manifeston një nivel të ulët në perfomancën demokratike.
Rrëshqitja në autoritarizëm nuk është pra një realitet i paqenë, i ujdisur brenda forcave opozitare dashakaqe, ashtu siç shpesh përpiqet t’a pasqyrojë Kryeministri i Shqipërisë. Autoritarizmi tani po bëhet realitet faktik, prandaj edhe kundërshtia ndaj tij dhe modelit të tij drejtues është detyrim i përbashkët i çdo shqipëtari.
Diaspora për Shqipërinë e Lirë: Autoritarizmi në Shqipëri , një realitet faktik
