By Kjo është Kanadaja ime!
Për dy vjet me radhë, kanadezët zbatuan çdo rregull, çdo mandat, çdo kufizim apo privim, qofshin këto të “këshilluara” apo të imponuara nga autoritetet. Në emër të shëndetit publik ne u mbyllëm dhe u vaksinuan masivisht! Unë jam një ndër ta! Por vjen një moment dhe njeriu e kupton se ka një kufi.
Çdo fillim duhet të ketë një fund. Nuk mund të ketë kufizime pa fund. Nuk mund të ketë mandate pa fund. Nuk mund të ketë vaksinim me detyrim pa fund.
Liria dhe të drejtat e njeriut vijnë mbi çdo gjë!
Ky vend i begatë dhe me njëmijë e një të mira nuk meriton të njolloset nga disa paudhësi sanitare që kërkojnë të na imponohen.
Kanadezët e mi nuk do ta lejojnë!
Jashtëzakonisht i nderuar dhe krenar që së bashku me një numër të madh shqiptaro-kanadezësh nga komuniteti ynë u organizuam dhe morëm pjesë në marshimin madhështor në Toronto. Nuk e falim kollaj lirinë e zgjedhjes!
We stand on guard for Thee! 
P.S. Në fotot e mëposhtme do të gjeni përgjigje për shumë nga të pavërtetat që janë thënë vazhdimisht, duke filluar nga gënjeshtrat për racizëm, deri tek respekti për policinë tonë të mrekullueshme.
