By Montreal-Quebec
Festa e Flamurit dhe Pavarësia e Shqipërisë u festuan në shumë shtete të botës, aty ku jetojnë dhe veprojnë shqiptarët. Prej vitesh edhe në Kanada, kjo ditë është kthyer në traditë në mjaft qytete të mëdha si Toronto, Ottawa, Montréal, Calgary, Regina e Winnipeg, ku me rastin e Festës Kombëtare të Pavarësisë së Shqipërisë, 28 Nëntorit, valëvitet flamuri ynë kombëtar para institucioneve publike, sivjet iu bashkua edhe metropoli i British Columbia, Vancouver.
Pas dy vitesh të gjata, më në fund komuniteti shqiptar në Montréal u mblodh sërish për të festuar festën e Pavarësisë! Në një atmosferë familjare, shqiptarët e të gjitha krahinave u mblodhën në Salle de Reception Paragon.
Bashkësia e Shqiptarëve të Quebec-ut në Montreal, njëherësh edhe organizatori i eventit, njoftoi bashkombasit për tiu përgjigjur ftesës ku këtë vit kishin marr masa që festa të ishte e tillë me të gjithë kuptimin e plotë të fjalës.
Me një pjesëmarrje masive, nën shoqërinë muzikore të DJ Flori ardhur nga Toronto, komuniteti nderoi ditën e Flamurit dhe Pavarësinë në 109 vjet shtet shqiptar. Çelur me himnin kombëtar, muzikë tradicionale, valle të të gjitha trevave, pjesë e së bukurës së mbrëmjes ishte edhe hedhja e shortit të makinës express sponsorizuar nga Lori Caffee.
Gjatë mbrëmjes, Noel Dedja, kryetar i Bashkësisë Shqiptare në Montreal përshëndeti shqiptarët e Kosovës të cilët gjithashtu i janë bashkëngjitur gjithmonë festave të nëntorit.
