By 
Të parashikosh zhvillimin ekonomik në një situatë të jashtëzakonshme siç është pandemia është e vështirë, megjithatë ekspertë të fushës, nisur nga eksperienca e tyre, por edhe nga ngjarje të ngjashme në të kaluarën, mund të ndihmojnë për të kuptuar pak më mirë situatën.
Në një artikull të publikuar në Monitor.al, Erald Pashaj, drejtor i EPPC – një zyrë konsulence e krijuar për të mbështetur kompanitë që operojnë në Shqipëri dhe Kosovë për të lehtësuar shërbimet e burimeve njerëzore – është i idesë se pandemia do ndikojë te disa sektorë.
Në kategorinë e parë ai vendos sektorët që do të rriten gjatë vitit 2021
1. Ndërtimi: Inxhinierë ndërtimi, kontruktorë, teknikë, punëtorë gipsi, elektriçistë, hidraulikë etj.
2. Teknologji e informacionit: zhvillues, mirëmbajtës rrjeti, siguri informatike etj.
3. Kujdesi shëndetësor: mjekë, infermierë, terapistë, laborantë, inxhinierë etj.
4. Punë në distancë: tele-operatorë, rezervues online, hedhës të dhënash, kujdesi ndaj klientit etj.
Në kategorin e dytë janë sektorët që pritet të kenë rimëkëmbje të shpejtë pas qershorit të këtij viti
1. Turizmi
2. Hoteleria
3. Gastronomia
4. Fasonet
5. Shpërndarja dhe shitja me pakicë e produkteve ushqimore dhe pijeve
6. Transporti tokësor dhe detar
Në kategorinë e tretë janë të gjithë sektorët e tjerë
Sektorë të tillë si shërbimet financiare, telekomunikacioni, industria nxjerrëse dhe përpunuese, karburantet, prodhimi, shitja me pakicë e produkteve jo-ushqimore, media, logjistika, shërbimet profesionale, konsulenca, etj, që priten të reflektojnë ndryshimet e kohës në lidhje me sfidat e tyre me tregun, dixhitalizimit, mbrojtjen e mjedisit, energjinë e gjelbër, apo risive në industrinë ku operojnë, pavarësisht pandemisë nuk do të kenë ndikime të ndjeshme gjatë 2021.
