By 
Winnipeg-Manitoba
Në prag të 12-vjetorit të pavarësisë së Kosovës, komuniteti në Manitoba ka njoftuar shqiptarët për ngritjen e flamurit të Kosovës pranë Bashkisë së qytetit. Flamuri i Kosovës do të valëvitet për herë të parë më 19 shkurt në orën 9;30 pranë bashkisë së Winnipeg. Lajmi ka marrë mbështetjen e mënjëhershme të autoriteteve vendase por në të njëjtën kohë ka provokuar komunitetin serb të përqendruar në Manitoba. Mesa duket ende njohja e pavarësisë së Kosovës mbetet një çështje për t’u diskutuar edhe në vende ku ka lindur liria.
Përfaqësues të komunitetit serb i janë drejtuar mënjëherë mediave për të lajmëruar bojkotin e këtij manifestimi si dhe thirrjen për të mos e ngritur flamurin e Kosovës. Sipas tyre, ky shtet ende i përket Serbisë dhe se ata nuk e njohin pavarësinë e Kosovës edhe pas 12 vitesh shtet i lire dhe mbi 100 kombe që e njohin atë.
Pas lajmit në CTV News si dhe Winnipeg Free Press, ku lajmi është trajtuar për të mos krijuar konflikte mes dy komuniteteve, Albanian Montreal Press kontaktoi kryetaren e bashkisë shqiptare në Manitoba, Kozeta Miliku. Sipas saj, komuniteti janë vënë në dijeni vetëm pas publikimit të lajmit nga CTV News dhe Winnipeg Free Press, ndërkohë që kjo ka krijuar shqetësim në rradhët e shqiptarëve. « Ishim mjaft të lumtur për aprovimin që na dha bashkia e qytetit, por jemi shokuar pas marrjes së lajmit. Kanadaja është vendi që ushqen paqen dhe gjithëpwrfshirjen » -shprehet Miliku.
Në të njëjtën kohë edhe zv. Kryetarja e ACCOM, Albiana Bugujevci ka shprehur fjalën e saj për CTV News. « Është hera e parë që ngrihet flamuri i Kosovës në Winnipeg dhe ne jemi mjaft krenarë të tregojmë vlerat nga kultura jonë. »
Kanadaja e ka njohur që në vitin 2008 pavarësinë e Kosovës duke patur edhe marrëdhënie diplomatike, por komuniteti serb në Kanada ende vazhdojnë ta kundërshtojnë atë. Sipas tyre ende Kosova është pjesë e Serbisë, ky është një provokim që shkakton indinjatë në komunitetin serb. Ndërkohë që për bashkinë e Manitobas, nuk është hera e parë që mbështet kombet e pavarura të valëvisin flamurin e tyre në ditën e lirisë.
Kjo çështje do të vazhdojë në ditët në vazhdim më së shumti nga komuniteti shqiptar i vendosur atje për t’i shkuar deri në fund dhe për të eleminuar çdo mundësi për të refuzuar ngritjen e flamurit të Kosovës javën e ardhshme.
