By Pamje tronditëse janë publikuar nga Kanadaja, ku një tren u detyrua të kalonte përmes flakëve të një zjarri të madh pyjor që kishte përfshirë zonën.
Ngjarja ndodhi pranë qytetit Armstrong, në Ontarion Verior, ku zjarri kishte arritur deri te shinat hekurudhore. Kamerat e vendosura në lokomotivë regjistruan momentin dramatik kur treni përshkoi një korridor të rrethuar nga flakët dhe tymi i dendur.
Pamjet tregojnë zjarrin që kishte pushtuar shinat, ndërsa flakët rrethonin trenin gjatë kalimit. Pavarësisht rrezikut të madh, treni arriti të përshkonte segmentin e prekur pa u raportuar të lënduar.
Autoritetet kanadeze vijojnë përpjekjet intensive për të vënë nën kontroll zjarret pyjore, të cilat kanë përfshirë sipërfaqe të mëdha në disa rajone të vendit dhe kanë detyruar evakuimin e mijëra banorëve nga zonat më të rrezikuara.
