By Kanë kaluar më shumë se dy ditë nga nisja e regjistrimit të emigrantëve për zgjedhjet e 11 majit. Deri tani kanë aplikuar online në KQZ, 8529 emigrantë me banim në Diasporë.
Sipas të dhënave nga KQZ, mësohet se nga këto shifra 69.9% janë meshkuj dhe 30.1% femra.
Sa i përket grupmoshave, dominojnë më së shumti nga 26- 35 vjeç me 3 905 kërkesa.
Ndërkohë në lidhje me shtetet kryesojnë emigrantët nga Italia me 3 745 kërkesa, të ndjekur nga emigrantët në Greqi, Gjermani, SHBA, Britani dhe Francë.
Kujtojmë se regjistrimet për diasporën u hapën më 11 janar dhe do të mbyllen më 4 mars.
Zgjedhjet parlamentare mbahen më 11 Maj, ku për herë të parë në një proces zgjedhor në Shqipëri do të votojnë edhe shqiptarët jashtë vendit.
Aplikimet mbyllen në datën 12 mars 2025. Në 11 maj shqiptarët do t’u drejtohen kutive të votimit për të zgjedhur qeverinë dhe parlamentin e ri.
Nëse jetoni jashtë Shqipërisë, për t’u regjistruar si votues në zgjedhjet e 11 majit duhet të aplikoni në këtë LINK
https://kqz.gov.al/votues-nga-jashte/
