U prehtë në paqe pluralizmi shqiptar! Perdja e një epoke ra! Nesër në 10 Shtator 2021, hapet perdja e Teatrit të Ri të Kukullave, ku marionetat me uniforma mavi e blu, pa seks a gjini të përcaktuar, do të votojnë njëzëri ligje për Prindin 1 e Prindin 2, sepse ky është halli më i madh i ditës për shqiptarët. Në llozhën kryesore do të jetë ambasadorja Kim dhe çiliminjtë e tjerë të Europës. Ndërsa në portet dhe aeroportet e vendit, mijëra shqiptarë do të zhduken nga sytë-këmbët gjatë çdo “seance shfaqjeje”. Le të mos e zbukurojmë, jo po atëvrasje, jo po lëvizje hamletiane. Thjesht e shqip është një goditje skuthi poshtë brezit. Mund të quhet nga dikush edhe si triumf i urtësisë për përmirēsim tē marrëdhënieve PD-USA. Për mua ky veprim është skajshmërisht ndikimi sorosian në vasalizimin përfundimtar të Shqipërisë!