By Montreal- Kanada
Ndërsa lufta në Ukrainë nuk jep sinjale zbutjeje, të gjithë sytë janë të drejtuar nga negociatat mes Kievit dhe Moskës që, pavarësisht se ende nuk kanë marrë zgjidhje por kanë sensibilizuar botën për të kërkuar paqen në botë. Ndërkohë që gjithë lutjet shkuan për humbjet e jetëve, edhe opinioni në Kanada iu bashkua përkrahjes së Ukrainës.
Galerie Ambigu, e njohur për ekspozitat e suksesshme lidhur me artin pamor në Montreal të Kanadasë dha një mesazh paqeje në aktivitetin e tij të fundit. Pas prezantimit të koleksioneve me piktura të artistëve me kombësi të ndryshme të vendosur në Kanada, vëmendje tërhoqi edhe performanca e këngëtares me origjinë ukrainase Evgeniya Alekseeva. Alekseeva nderoi vendin e origjinës me himnin kombëtar dhe me një repertor të përzgjedhur nga muzika ukrainase. Artistë të ndryshëm në të gjithë botën, kanë shprehur dhimbjen e luftës duke përkrahur vendlindjen e tyre me performance të ndryshme artistike.
