Gent Bejko shkëlqen si regjisor, shfaqja “Komedia e Tenorëve” histori ëndrrash dhe pasioni

Gent Bejko shkëlqen si regjisor, shfaqja “Komedia e Tenorëve” histori ëndrrash dhe pasioni

Montreal- Kanada

Për një fundjavë tipike dimri kanadez, të gjesh një vend të përshtatshëm për të ngritur humorin do të ishte zgjedhja e duhur. Edhe kur të gjitha parashikimet e motit lajmërojnë se Montreali do të përfshihet nga një stuhi e vështirë bore, dëshira për të shijuar një shfaqje të tërheq më shumë.

Për herë të parë Gent Bejko vë në skenë në Quebec një komedi. Sigurisht që karriera e tij në Kanada ka një historik si aktor, por këtë herë Genti do të na prezantojë anën tjetër të medaljes edhe si regjisor profesionist. Me një pjesë të shkëlqyer e bazuar në një nga veprat e Shakespare “The comedy of error” por i modernizuar nga Ken Ludwig, komedia s’mund të ishte ndryshe veçse një reaksion i sigurtë të qeshurash për të gjithë publikun. Në fakt është hera e parë për një shqiptar në Montreal të realizojë projekte të tilla që domosdo është e pashmangshme përkushtimi, pasioni dhe talenti. Genti na bëri të ndihemi krenar dhe ashtu siç edhe ne pretenduam t’i bëjmë një shaka: – Qeshëm më shumë nga sa e kishim parashikuar!

Me një lojë në sinkron mes tyre, Bejko kish bërë një përzgjedhje të duhur aktorësh nga Quebec. Me një dinamikë qesharake ngjarjes, ku fort kollaj familja e tenorit të famshëm Tito Merelli bëhen lëmsh kur askush nuk kupton kush tradhëtoi kë, dhe kush dashuroi cillën, situatat komike pasojnë njëra-tjetrën gjatë gjithë show-t.

Sipas shënimeve të regjisorit: -Jeta është një opera nëse do të jesh dramatik. Ajo mund të jetë tragjike nëse je tenor. Imagjinoni tani një situatë tejet dramatike, gjithë të prapritura, dhe zgjidhjet do të jenë më qesharake se kurrë. Në fund të fundit, jeta është një farsë nëse ti e jeton në të mënyrë të thjeshtë e më qesharake të mundshme. “Komedia e Tenorëve” është një variant bashkëkohor i Ken Ludwig, duke u bazuar në veprën Shekspirit “The comedy of errors”. Mes situatash komike e tragjike, ngjarjet zhvillohen në vitet 1930, në një hotel në Paris kur tre tenorë takohen për të dhënë shfaqjen më të madhe të karrierës së tyre.

Siç kish njoftuar, për një jave rresht, prej dje kur ishte edhe premiera e shfaqjes, “Komedia e Tenorëve” do të vijë çdo pasdite e javës së dytë të shkurtit. Lajmi ka bërë xhiron e të gjithë medieve në Montreal, shtypin e shkruar apo në radio. Publiku dominant montrealez i dha një vëmendje të veçantë komedisë. Të githë qeshën,e përjetuan e duatrokitën. E gjithë kasta e përzgjedhur kish bërë një punë të shkëlqyer për të merituar gjithë pozitivitetin. Genti na dha mundësinë ta shihnim ndryshe por po aq profesionist sa edhe aktor.

“Komedia e Tenorëve” është një zgjedhje e zgjuar për këdo që do t’i japë vlerë kohës për të shijuar një shfaqje tejet komike me një regjisor shqiptar. Një gjë është e sigurtë, puna e Gentit do t’ju shkrijë së qeshuri. Komedia do të jetë në skenë për publikun deri në datën 15 shkurt.

administrator

Related Articles

Leave a Reply

Your email address will not be published. Required fields are marked *