By “Preludi pranveror“ do të çelë ekspozitën e pikturave pranë Galeri Ambigu në Montreal,
Vernissage 13 mars 2021 nga ora 16:00-19:00.
Montreal-Kanada
Këtë fundjavë, galeri Ambigu do të rikthehet me ekspozitën e parë të vitit për të gjithë të apasionuarit e artit dhe të pikturës.
Pas një periudhe të gjatë e të vështirë izolimi, vizita pranë Ambigu-t, shërben edhe si një terapi për ta prekur e parë më nga afër ndërtimin e së bukurës.
Me aktivitete periodike pothuaj çdo muaj, me tema e subjekte tepër interesante, Ambigu po bëhet një ngjarje shumë e njohur dhe madje një pararendëse e pranverës në Montreal. Me pjesëmarrjen e 14 piktorëve të kombësive të ndryshme, edhe këtë herë nuk kish si të mungonin artistët shqiptarë, Entela Konomi, Kastriot Dervishi, Genti Bejko si dhe Rapi Sota do të jenë gjithë javën për prezantimin e artit të tyre figurativ.
Galeria Ambigu gjithmonë ka ditur të ofrojë një përzgjedhje të mprehtë të artistëve të brezave të ndryshëm dhe me praktika të larmishme ndër vite. Çdo ekspozitë përjetohet si një udhëtim në zemër të krijimit bashkëkohor.
“Ambigu do të qëndrojë e hapur për publikun deri në datën 20 mars. çdo mbrëmje do të jetë një artist mikpritës që do t’u prezantojë të artdashësve përmbajtjen e galerisë.
Për të gjithë të interesuarit, Ambigu ndodhet 1761 Rue Atateken, Montréal, QC H2L 3L7 Canada.
