Back for Christmas, në festën e Xhoit

Back for Christmas, në festën e Xhoit

Montreal-Kanada

E ardhur në Montreal 5 vite më parë, Xhoana Plaku Bejko e njohur nga publiku si Xhoi, nuk ka humbur kohë të njohë më nga afër suksesin e skenës kanadeze. Energjike, mjaft positive dhe shumë e përkushtuar për atë çka të gjithë e njohim, Xhoi do të sjellë për publikun e huaj por jo vetëm, koncertin e saj të parë LIVE me një band kanadez. Me prova të panumërta, me bashkëpunim të sigurtë, me një repertor të përzgjedhur, Xhoi dhe Kenny Goodman Band ftojnë çdo artdashës këtë fundjavë të festojmë Krishtlindje ndryshe.
E njohur në Shqipëri si artiste me shumë këngë, koncerte, çmime, klipe, nuk do të jetë e largët kur Xhoi të përshtasë karrierën e vendlindjes edhe në Kanadanë e largët.
Në një intervistë për Albanian Montreal Press, Xhoi do të na tregojë pak detaje nga koncerti i saj Back for Christmas, ndërkohë të tjerat jemi në mezipritje t’i ndjekim nga afër në shfaqjen e 18 dhjetorit.

Xhoi & Kenny Goodman Band.

Cila është risia që do të sillni me këtë recital?
Do të jetë dalja ime e parë në Montreal me një band muzikor vendas. Kemi menduar të sjellim një natë të gjatë spektakli për t’i prezantuar publikut muzikë të përzgjedhur, ripërpunime të disa prej këngëve më të njohura në zhanrin Jazz, Funky dhe grimca të zhanreve të tjera. Një natë tepër argëtuese dhe gjithpërfshirëse.

Si lindi bashkëpunimi me bandin kanadez?
Ishte Kenny Goodman që rreth dy vjet më parë kishte dëgjuar disa materialet e mia të mëparshme muzikore dhe vendosi që të krijonte një band këtu në Montreal.

Sa projekte muzikore mbeten të pambaruara në dy vite pandemi?
Pandemia sigurisht që na frenoi ndjeshëm projektet por jo ëndrrat. Gjithsesi tani është koha që të rifillojmë edhe me më shumë energji. Por se sa projekte do të realizojmë, kjo ngelet surprizë e kohës.

Pse zgjodhët Krishtlindjet për rikthimin?
Sepse Krishtlindjet dhe festat e fundvitit mbeten gjithmonë periudha më e bukur, kur të gjithë festojnë dhe dalin për pak ditë nga rutina. Kudo ka ngjyra, festë dhe asnjë festë nuk mund të konceptohet pa muzikë!

Cfarë prishtshmërie keni për ‘Back for Christmas’?
Mbi të gjitha qëllimin kryesor që muzika fal: argëtimin. Prej pothuaj daljes së posterit, reklamës nëpër rrjete sociale, mbështetjes së miqve dhe të njohurve, shfaqja është thuajse e shitur. Gjithashtu e hap më gjerë dhe përtej komunitetit tonë tradicional dhe bëhet më gjithpërfshirëse, ku elementi kryesor është muzika.
Ky është edhe një prej eventeve që tregon edhe visionin gjithpërfshirës të Les Promotion Ambigu, e cila ka treguar si edhe me galerinë AMBIGU prej disa vitesh tashmë, që jemi pjesë integrale e vendit ku kemi zgjedhur të jetojmë.

A keni projekte për rikthim me muzikë shqip apo do të mbeteni në repertorin e huaj?
Projektet shqip janë gjithmonë aty por synimi është për të zhvilluar më tej projektet me repertor të huaj. Gjithsesi është e pashmangshme që të ndërthuren për sa kohë tek Xhoi jetojnë të dyja.

administrator

Related Articles

Leave a Reply

Your email address will not be published. Required fields are marked *